यवतमाळ : जाचक जीआर रद्द करण्याच्या मागणीसाठी शिक्षकांचा मोर्चा

यवतमाळच्या कळंब तालुक्यातील सुकळी येथील जिल्हा परिषद शाळेच्या विद्यार्थ्यांनी दसऱ्यानिमित्त “दसऱ्याचं सोनं, व्यसनमुक्तिचं लेनं” हा अभिनव उपक्रम राबविला. तंबाखूमुक्त शाळा अभियान अंतर्गत, विद्यार्थ्यांनी आपट्याच्या पानावर व्यसनमुक्तीचे संदेश लिहून मोठ्यांचे आशीर्वाद घेतले. या उपक्रमाचा उद्देश व्यसनमुक्त समाज निर्माण करणे आहे.

नवरात्री उत्सवानिमित्त यवतमाळ मध्ये श्रद्धा आणि भक्तीचा उदंड उत्साह अनुभवाला येत आहे. देवीच्या दर्शनासाठी गावोगावचे आणि इतर जिल्ह्यातूनही भक्त दाखल होत असल्याने यवतमाळचे रस्ते रात्रभर गर्दीने फुलून जात आहे, जगराता, भंडारा, डोबरी, गोंधळ, जत्रा यामुळे पहाटेपर्यंत देवींभक्तांची रेलचेल आहे. भव्य देखावे आणि मूर्तिकारांच्या देखण्या हातांनी साकारलेल्या जीवंत मूर्तींसाठी यवतमाळचा दुर्गोत्सव राज्यात प्रसिद्ध आहे.

शेतकरी नेते रविकांत तुपकर यांनी आगामी विधानसभा निवडणुकीत शेतकऱ्यांच्या प्रश्नांवर भांडणाऱ्या तरुण तरुणींना उमेदवारी देण्याची घोषणा केली आहे. त्यांनी म्हटले की, कष्टकऱ्यांचे आणि शेतकऱ्यांचे प्रश्न समजणारी लोकं राजसत्तेत असली पाहिजे. तुपकर यांनी प्रधानमंत्री नरेंद्र मोदी यांच्या विदर्भातील शेतकऱ्यांच्या आत्महत्या थांबवण्यासाठी धोरणात्मक निर्णय घेण्याची गरज असली तरी, दुर्दैवाने त्यात काही सुधारणा झालेली नाही, असा निषेध व्यक्त केला.

काँग्रेस नेते माणिकराव ठाकरे म्हणाले की, पंतप्रधान मोदींनी पोहरादेवी येथे केलेले राजकीय भाषण दुर्दैवी आणि निषेधार्ह आहे. मोदींचा काँग्रेसवर आरोप आणि बंजारा बांधवांचा अपमान सहन केला जाणार नाही, असे ते म्हणाले. काँग्रेसने वसंतराव नाईक आणि सुधाकरराव नाईक यांना मुख्यमंत्री पदाची संधी दिली होती, ज्यामुळे बंजारा समाजाची प्रगती झाली. मोदींनी त्यांच्या कुटुंबियांना निमंत्रण न देता त्यांचा अपमान केला, यावरून मोदींना बंजारा समाजाबद्दल आस्था नसल्याचे दिसते, असे ठाकरे यांनी म्हटले.

राज्य सरकारने १७ संवर्गातील ६९३१ रिक्त पदांसाठी मानधन तत्वावर पेसा भरतीला मंजुरी दिल्यानंतर यवतमाळ मध्ये गेल्या 11 दिवसांपासून सुरू असलेले उपोषण आंदोलन आज सोडविण्यात आले. आमदार डॉक्टर संदीप धुर्वे यांच्या हस्ते हे उपोषण सोडविण्यात आले. यावेळी राज्य सरकारने पोलीस भरतीत आदिवासी उमेदवारांसाठी पाच सेंटीमीटर उंचीची सूट देण्यास मान्यता दिली असल्याची माहिती देखील आमदार धुर्वे यांनी दिली. या दोन्ही निर्णयामुळे आदिवासी समाजाच्या हक्कांसाठी संघर्ष फळाला आला असल्याची प्रतिक्रिया आंदोलक युवक.

यवतमाळ शहरातील रस्त्यांवर खड्डयांचे साम्राज्य वाढल्यामुळे आणि नवरात्री उत्सवात खड्डे न बुजविल्याने राष्ट्रवादी शरद पवार गटाने आंदोलन केले. माजी आमदार संदीप बाजोरिया यांच्या नेतृत्वात हे लक्षवेधी आंदोलन करण्यात आले. खड्डेमय रस्त्यातून दुर्गादेवीचे आगमन झाल्याने खड्ड्यांना श्रद्धांजली देत भजन म्हणत पालिका प्रशासनाचा निषेध नोंदविण्यात आला. अमृत योजना आणि भूमिगत गटार योजनेमुळे रस्त्यांची स्थिती गंभीर झाली आहे. बाजोरिया यांनी आ. मदन येरावार यांना ह्या दुर्दशेसाठी जबाबदार धरले आहे.

आर्णी दिग्रस मार्गावर रात्री दोन वाजताच्या सुमारास मंत्री संजय राठोड यांच्या वाहनाने मालवाहू ऍपे ला धडक दिली, ज्यामुळे ऍपे पलटी होऊन चालक जखमी झाला. राठोड यांनी स्पष्ट केले की, अपघातात ते आपल्या गाडीत नव्हते, तर ताफ्यातील दुसऱ्या वाहनात होते. वाहतूक नियमांचे उल्लंघन झाले आहे का याबाबत पोलीस चौकशी करतील. त्यांनी सांगितले की, रस्त्यावर खड्डे व अपूर्ण कामामुळे वाहनधारकांना त्रास होत आहे, आणि अपघातग्रस्त वाहनाची दुरुस्ती पोलिसांना सूचित न करता करण्यात आल्याबाबत त्यांना माहिती नाही.

यवतमाळ विधानसभेत राष्ट्रवादी काँग्रेस शरद पवार गटाचे माजी आमदार संदीप बाजोरिया यांनी उमेदवारी आपल्यालाच मिळणार असून तुतारी चिन्हावरच आपण लढु असा दावा केला आहे. महाविकास आघाडीत तिकीट वाटपाआधीच त्यांनी जाहीरनामा प्रकाशित करून प्रचार देखील सुरू केला आहे. भाजप आमदार मदन येरावार यांनी मतदारसंघ बकाल करून ठेवला, रस्त्यांची दैना झाली, प्रत्येक योजनेत भ्रष्टाचार केला त्यामुळे गुन्हेगारीचा बिमोड करून भयमुक्त वातावरण देऊ असे वचन आपण जनतेला देत असल्याचे संदीप बाजोरिया यांनी सांगितले.

प्रस्तावित नागपूर ते गोवा शक्तीपिठ महामार्गाच्या भुसंपादन प्रकीयेस एकीकडे विरोध होत असला तरी यवतमाळ जिल्ह्यात शेतकरी या शक्तीपीठ मार्गाच्या समर्थनार्थ उभे ठाकले आहे. विशेष म्हणजे भाजपा आमदार अशोक उईके यांनी देखील हा महामार्ग होईलच यादृष्टीने प्रयत्न करणार असल्याची भूमिका घेतली आहे. मात्र या महामार्गाच्या भूसंपादनाला शेतकऱ्यांची पूर्ण सहमती आहे. या महामार्गामुळे शेतकरी आत्महत्या ग्रस्त यवतमाळ जिल्हातील सर्व शेतक-यांना आणि युवकांना भविष्यात रोजगार निर्मितीच्या संधी उपलब्ध होतील.