दारव्हा येथे आरक्षणाच्या मागणीसाठी बंजारा समाजाचा मोर्चा प्रतिनिधी-ईश्वर राठोड, दारव्हा

हैदराबाद गॅझेटीयर व सीपी बेरार नुसार बंजारा समाजाला अनुसूचित जमाती प्रवर्गातून आरक्षण मिळावे, या प्रमुख मागणीसाठी २६ सप्टेंबर रोजी दारव्हा येथे बंजारा समाज आरक्षण कृती समितीच्या वतीने भव्य मोर्चाचे आयोजन करण्यात आले. हजारोंच्या संख्येने समाजबांधव, भगिनी, तरुण-तरुणींची उपस्थिती या मोर्चात पाहायला मिळाली. पारंपरिक वेशभूषा, नृत्य व "एक गोर सव्वा लाखेर जोर"घोषणांनी शहरातील वातावरण भारून गेले.मोर्चा गोळीबार चौकात पोहोचला, जिथे तो सभेत परिवर्तित झाला.सभेत अनेक मान्यवरांनी आपल मनोगत व्यक्त केले.