वाशीम में नगरपरिषद चुनाव: नामांकन अंतिम तारीख पर सियासी गर्माहट तेज

जिल्ह्यातील चार नगरपरिषद आणि एक नगर पंचायत निवडणुकीची धामधूम चांगलीच रंगली असून थंडीच्या दिवसात राजकीय वातावरण चांगलं तापलं आहे. जिल्ह्यातील पाच नगरअध्यक्ष पदासाठी तब्बल 63 उमेदवार तर 69 प्रभागांतील 124 नगरसेवकांसाठी 827 उमेदवार मैदानात आहेत. आज नामांकन अर्ज मागे घेण्याची अंतिम तारीख असल्यामुळे सर्वच शहरांमध्ये उमेदवारांची मोठी लगबग पाहायला मिळत आहे. कोणत्या प्रभागातून किती उमेदवार माघार घेतात आणि अखेरीस प्रत्यक्ष लढत कोणकोणात होणार,याकडे सर्वांचे लक्ष लागले आहे. यंदाच्या निवडणुकीत अनेक प्रभागांत एकाच पक्षाचे अनेक उमेदवार रिंगणात उतरल्याने स्पर्धा अधिक चुरशीची झाली आहे. तिकीट न मिळाल्यामुळे काही जणांनी बंडखोरीचा मार्ग स्वीकारला आहे. त्यामुळे मनधरणी,बैठका, चर्चा आणि मोठ्या नेत्यांची मध्यस्थी अशी घडामोडी जिल्ह्यात सुरू आहेत. आज संध्याकाळी अर्ज मागे घेण्याची मुदत संपल्यानंतरच अध्यक्षपद आणि प्रभागनिहाय अंतिम स्पर्धेचे चित्र स्पष्ट होणार आहे.