वाशिम में 3 वर्षीय बच्ची विहर में गिर कर मौत, बचाव दल ने शव निकाला

वाशिम जिल्ह्यातील मंगरूळपीर–वाशिम रोडवरील विद्युत केंद्राजवळ असलेल्या विटभट्टी परिसरात खेळताना विहिरीत पडून तीन वर्षीय चिमुकलीचा मृत्यू झाला आहे. घटनेची माहिती मिळताच मंगरूळपीर पोलीस व मानव सेवा आपत्ती व्यवस्थापन फाऊंडेशन संचालित संत गाडगे बाबा आपात्कालीन शोध व बचाव पथक घटनास्थळी दाखल झाले. पडकी व कच्ची विहीर असतानाही पथकाच्या जवानांनी मोठ्या धाडसाने विहिरीत उतरून एका तासाच्या शोधमोहीमेनंतर मृतदेह बाहेर काढून पोलिसांच्या ताब्यात दिला. मृत मुलगी कु.सुंदरी धनसिंग सिसोदिया, वय तीन वर्षे, राहणार झीर पांजरीया, तालुका नेपानगर, जिल्हा बुरहानपूर अशी तिची ओळख पटली आहे. या घटनेमुळे परिसरात हळहळ व्यक्त केली जात आहे.