पिंपरी-चिंचवड़ भाजपा में महापौर पद के प्रत्याशी चयन को लेकर गहन नाराज़गी

भाजपचे सलग दोन वेळा बिन विरोध निवडून आलेले नगरसेवक रवि लांडे यांनी आज पिंपरी चिंचवड महापालिका महापौर पदासाठी अर्ज दाखल केला आहे. तर उप महापौर पदासाठी शर्मिला बाबर यांनी अर्ज दाखल केला आहे. भाजपने महापौर पदासाठी सुरवातीला रवि लांडे आणि उप महापौर पदासाठी शीतल उर्फ विजय शिंदे यांच्या नावाची घोषणा केली होती. मात्र शीतल शिंदे यांनी उप महापौर पदासाठी अर्ज दाखल करण्यासाठी नाराजी दाखवल्या नंतर ऐनवेळी भाजपने शर्मिला बाबर यांना उप महापौर पदासाठी अर्ज दाखल करण्यासाठी लावलं आहे. रवि लांडे हे महापौर पदासाठी आणि शर्मिला बाबर यांनी उप महापौर पदासाठी अर्ज दाखल करत असताना पिंपरी चिंचवड भाजप मध्ये मोठी नाराजी पाहायला मिळाली आहे. महापौर आणि उप महापौर पदासाठी अर्ज दाखल करत असताना पिंपरी चिंचवड शहर भाजपचे शहराध्यक्ष शत्रुघन उर्फ बापू काटे हे देखील उपस्थित नव्हते तर शीतल शिंदे यांच्या सह बरेच भाजप नगरसेवक हे गैर हजर असल्याचं पाहायला मिळालं आहे. शत्रुघन काटे हे देखील पिंपरी चिंचवड महापालिका मध्ये महापौर पदासाठी इच्छुक असल्याची जोरदार चर्चा पिंपरी चिंचवड शहरात सुरू होती. मात्र आमचा पक्ष हा शिस्तप्रिय पक्ष असून लवकरच बाकी इच्छुक पदाधिकाऱ्याबद्दल योग्य निर्णय घेण्यात येईल अशी माहिती माध्यमांशी बोलताना पिंपरी चिंचवड महापालिकेतील भाजप गट नेते प्रशांत शितोळे यांनी दिली आहे.