रिसोड में अवैध प्रवासी वाहतुकी से हादसे का खतरा बढ़ा

अँकर:वाशिम जिल्ह्यात अवैध प्रवासी वाहतुकीने अक्षरशः कळस गाठला आहे. विशेषतः रिसोड तालुक्यात क्षमतेपेक्षा अधिक प्रवासी घेऊन जाणाऱ्या वाहनांची संख्या दिवसेंदिवस वाढत असून, यामुळे अपघाताचा धोका वाढला आहे. रिसोड शहरातील एका चार चाकी गाडीचा व्हिडिओ सध्या सोशल मीडियावर व्हायरल होत आहे. या गाडीत क्षमतेपेक्षा दुप्पट प्रवासी गाडीच्या टपावर बसवून प्रवास सुरू असल्याचे स्पष्ट दिसत आहे. नागरिकांकडून अशा प्रकारच्या तक्रारी वारंवार केल्या जात असतानाही आरटीओ आणि जिल्हा वाहतूक विभागाने याकडे दुर्लक्ष केल्याचा आरोप होत आहे. वाहनधारकांकडून नियमांचे उल्लंघन करत धोकादायक प्रवास सुरू असून, प्रवाशांच्या जीवाशी खेळ केला जात आहे. प्रशासनाने तातडीने कारवाई करून अशा अवैध वाहतुकीवर अंकुश आणावा,अशी मागणी होतं आहे.