ओबीसी आरक्षण के विरोध में आलेगांव के विजय बोचरे ने आत्महत्या

अकोला जिल्ह्यातील पातुर तालुक्यातील आलेगाव येथे ओबीसी चळवळीतील कार्यकर्ते विजय बोचरे यांनी आत्महत्या केल्याची दुर्दैवी घटना घडली आहे. “ओबीसी आरक्षणाला धक्का लागू नये” असा व्हॉट्सअ‍ॅप स्टेटस ठेवून त्यांनी जीवन संपवल्याचे समोर आले आहे.या घटनेनंतर आलेगाव परिसरात हळहळ व्यक्त होत असून ओबीसी बांधवांनी जिल्हाधिकारी घटनास्थळी येऊन भेट देईपर्यंत मृतदेह शवविच्छेदनासाठी हलविणार नाही, असा निर्णय घेतला होता.यानंतर अकोला जिल्हाधिकारी वर्षा मीणा यांनी आलेगावला भेट देऊन घटनास्थळी परिस्थितीचा आढावा घेतला. त्यांनी समाज बांधवांशी संवाद साधत शांततेचे आवाहन केले आणि शवविच्छेदन करण्यासाठी विनंती केली.जिल्हाधिकाऱ्यांच्या भेटीनंतर समाज बांधवांनी सहमती दर्शवली असून विजय बोचरे यांचा मृतदेह आता शवविच्छेदनासाठी अकोल्याला रवाना करण्यात आला आहे.