वर्धा के कैटरिंग उद्योग पर युद्धकालीन परिस्थितियों का भारी असर, गैस सिलिंडर की कमी से कई ऑर्डर रद्द

वर्धा स्टोरी - युद्धजन्य परिस्थितीचा कॅटरिंग व्यवसायाला फटका अँकर - देशात निर्माण झालेल्या युद्धजन्य परिस्थितीचा परिणाम आता विविध व्यवसायांवर दिसून येत असून वर्धा जिल्ह्यातील कॅटरिंग व्यवसायालाही त्याचा मोठा फटका बसत आहे. व्यावसायिक वापरासाठी लागणाऱ्या गॅस सिलिंडरच्या पुरवठ्यावर परिणाम झाल्याने कॅटरिंग व्यावसायिकांना मोठ्या अडचणींचा सामना करावा लागत आहे. सिलिंडरचा नियमित पुरवठा होत नसल्याने अनेक नियोजित ऑर्डर रद्द करण्याची वेळ कॅटरिंग व्यावसायिकांवर आली आहे. गेल्या काही दिवसांचं व्यावसायिक गॅस सिलिंडरचा पुरवठा विस्कळीत झाला आहे. लग्नसमारंभ, वाढदिवस, धार्मिक कार्यक्रम तसेच विविध सामाजिक कार्यक्रमांसाठी कॅटरिंग सेवा देणाऱ्या व्यावसायिकांना यामुळे मोठ्या अडचणी निर्माण झाल्या आहेत. वेळेवर सिलिंडर उपलब्ध न झाल्यास कार्यक्रमांसाठी आवश्यक अन्नपदार्थ तयार करणे कठीण होत असल्याने काही ठिकाणी ऑर्डर कॅन्सल करण्याची वेळ येत आहे. वर्धा जिल्ह्यात जवळपास 250 कॅटरिंग व्यावसायिक कार्यरत आहेत. या व्यवसायावर थेट किंवा अप्रत्यक्षरित्या पाच ते दहा हजार लोकांचा उदरनिर्वाह अवलंबून आहे. स्वयंपाकी, मदतनीस, भांडी धुणारे, सामान वाहून नेणारे तसेच इतर कामगार या व्यवसायाशी जोडलेले आहेत. त्यामुळे सिलिंडर पुरवठ्यातील अडचणीमुळे केवळ कॅटरिंग व्यवसायिकच नव्हे तर या व्यवसायाशी संबंधित हजारो कामगारांवरही आर्थिक संकट येण्याची शक्यता निर्माण झाली आहे.