वर्धा के श्री निवास कॉलनी में फर्जी आयकर अधिकारी की दबिश

वर्ध्याच्या 'श्री निवास कॉलनीत' बनावट आयकर अधिकाऱ्यांची फिल्मी स्टाईल धाड - बनावट धाडी टाकणाऱ्या जवळ महागडे मोबाईल असल्याची पोलिसांची माहिती अँकर - वर्धा शहरातील रामनगर परिसरातील श्री निवास कॉलनी येथे धक्कादायक प्रकार उघडकीस आला आहे. सुहास चिंतामण कोंगरे यांच्या घरी चारचाकी गाडीतून आलेल्या तिघांनी स्वतःला आयकर विभाग मुंबई येथील अधिकारी असल्याचे सांगत घराची झडती घेतल्याची घटना समोर आली आहे.सदर व्यक्तींनी कोंगरे यांना त्यांच्या नावाचा “सर्च वॉरंट” असल्याचे सांगितले. तसेच बनावट ओळखपत्र दाखवून घराची तपासणी केली व घरातला विडिओ काढला. कोंगरे यांनी विचारणा करताच संबंधितांनी दमदाटी करत घरात प्रवेश केला. त्यांच्यासोबत एक ड्रायव्हर आणि आणखी दोन जण होते.घरातील हॉलसह इतर भागांची सुमारे ३० मिनिटे तपासणी करण्यात आली. संपूर्ण कारवाई चित्रपटातील धाडीप्रमाणे करण्यात आल्याने कुटुंबीय घाबरून गेले. या प्रकारामुळे परिसरात भीतीचे वातावरण निर्माण झाले आहे.घटनेची माहिती पोलिसांना देण्यात आली असून हे खरे आयकर अधिकारी होते की तोतये, याबाबत तपास सुरू आहे.