सह्याद्री बाघ प्रकल्प की तारा बाघिनी जंगल में सफलतापूर्वक मुक्त

सातारा - सह्याद्री व्याघ्र प्रकल्पासाठी महत्त्वपूर्ण ठरलेल्या वाघीण STR T-04 म्हणजेच तारा हिला नियंत्रित पिंजऱ्यातील (Soft Release Enclosure) अनुकूलन पूर्ण केल्यानंतर आज नैसर्गिक जंगलात यशस्वीरीत्या मुक्त करण्यात आले. 18 नोव्हेंबरपासून एनक्लोजरचा दरवाजा उघडा ठेवूनही दोन दिवस तारा ही आतच थांबली होती. अखेर 20 नोव्हेंबर रोजी सकाळी ८ वाजता वाघीण डौलदारपणे बाहेर पडली आणि जंगलाच्या दिशेने मार्गस्थ झाली. वाघीणीच्या अनुकूलन काळात तिचे वर्तन, शिकार प्रवृत्ती, हालचाल आणि आरोग्य यांचे वन्यजीव तज्ज्ञ आणि WII पथकाने नियमित निरीक्षण केले. तिला पूर्णतः तंदुरुस्त घोषित करण्यात आले आहे. वाघीणीच्या मानेवर रेडिओ कॉलर बसविण्यात आला असून Satellite Telemetry आणि VHF Tracking द्वारे तिच्यावर सातत्याने लक्ष ठेवले जाणार आहे.