शाळेच्या त्रासाला कंटाळून दहावीत शिकणाऱ्या एका विद्यार्थ्याने दिल्लीमध्ये उडी घेऊन आत्महत्या केल्याचा प्रकार घडला आहे. शौर्य प्रदीप पाटील, असे पीडित विद्यार्थ्याचे नाव असून तो मूळचा सांगली जिल्ह्यातला खानापूर तालुक्यातील ढवळेश्वरचा रहिवासी आहे. वडील प्रदीप पाटील हे सोने-चांदी गलाई व्यवसाय निमित्त गेल्या अनेक वर्षापासून दिल्ली येथे स्थायिक आहेत. त्यामुळे शौर्य हा त्यांच्या कुटुंबीयांसह दिल्लीतील राजीवनगर भागात वास्तव्यास होता. तो दिल्लीतील सेंट कोलंबस विद्यालयात इयत्ता दहावीच्या वर्गात शिक्षण घेत होता. मंगळवार १८ नोव्हेंबर रोजी राजेंद्रनगर मेट्रो स्टेशनच्या प्लॅटफॉर्म क्रमांक २ वरून त्याने खाली रस्त्यावर उडी मारून आत्महत्या केली. आत्महत्या करण्यापूर्वी शौर्य ने एक दीडपणाची सुसाईड नोट देखील लिहिली आहे. ज्यामध्ये शाळेतील प्राचार्य दाह चार शिक्षिकांनी मानसिक छळ केल्यामुळे मी आत्महत्या करीत आहे, असे लिहिले आहे. या प्रकरणी राजा गार्डन मेट्रो पोलिसांनी प्रिन्सिपल अपराजिता पाल आणि मनू कालरा, युक्ती महाजन आणि ज्युली व्हर्गिस या शिक्षिकांविरोधात गुन्हा दाखल केला आहे. आज ढवळेश्वर या मूळगावी शौर्य याच्या वर अंत्यसंस्कार होणार आहेत.