पुणे के किसानों के खेत बर्बाद, बेमौसम गारों ने उम्मीदें चकनाचूर

निसर्ग कोपलाय... आणि नशीब फाटलंय! ज्या मातीतून सोनं उगवण्याची स्वप्नं पाहिली, त्याच मातीने आज शेतकऱ्याचे अश्रू प्यायलेत. पश्चिम महाराष्ट्राचा वैभव असलेल्या पुणे जिल्ह्यात आभाळ फाटलं आणि इंदापूर, बारामतीसह शिरूरच्या काळजाला घरं पडलीत! कुठे सोसाट्याचा वारा, तर कुठे आभाळातून बरसणारे पांढरे गारांचे गोळे! अवघ्या काही मिनिटांच्या या निसर्ग कोपाने उभा शेतीमाल आडावा झालाय बळीराजा च्या डोळ्यात अश्रृ आलेत. आब्याच्या बागात कैय्रांच खच गळून पडलाय गव्हाचं सोनं काळं पडलंय, तर टोमॅटोचा शेतातच लाल चिखल झालाय. हा पाऊस नव्हता... हा बळीराजाच्या घामावर पडलेला नियतीचा घाव होता! नुकसान ग्रस्त शेतकरी: नाना फुलसुंदर नुकसान ग्रस्त शेतकरी: गणेश जामदार सांगा आता आम्ही जगायचं कसं? खतं, बी-बियाणं आणि औषधांसाठी कर्ज काढलं होतं. पीक काढणीला आलं की कर्ज फेडू ही आशा होती, पण या गारांनी सगळं स्वप्नच चिरडून टाकलं. वावरात आता फक्त चिखल आणि अश्रू उरलेत! टोमँटो उत्पादक शेतकरी जगाचा पोशिंदा आज स्वतःच्या अन्नासाठी हवालदिल झालाय. बाजारभाव पडलेत म्हणून आधीच कंबरडं मोडलं होतं, आता निसर्गाने उरलं सुरलंही हिरावून नेलंय. आता प्रश्न एकच आहे... सरकारला या रडणाऱ्या डोळ्यांची आणि पडलेल्या शेतीमालाची दखल घ्यायला वेळ मिळेल का? की पुन्हा एकदा पंचनाम्यांच्या खेळात बळीराजाचा जीव टांगणीला लागणार? धर्मराज रासकर (नुकसान ग्रस्त शेतकरी) बळीराजा संकटात सापडलाय मदतीची हाक देतोय. त्यामुळ जगाच्या पोशिद्यांची आर्त हाक ऐकून मायबाप सरकार बळीराजा च्या मदतीला धावणार का हे येत्या काळात पाहणं महत्वाचं असणार आहे. बारामती वरून जावेद मुलाणी सह शिरूर वरूण हेमंत चापुडे झी मिडीया पुणे...