पिंपरी-चिंचवड़ में शेयर मार्केट धोखाधड़ी: 11.13 करोड़ रु का घोटाला, 7 गिरफ्तार

शेअर मार्केट तसेच आयपीओमध्ये गुंतवणूक केल्यास मोठा नफा मिळवून देण्याचे आमिष दाखवून पिंपरी चिंचवड शहरातील एका व्यक्तीची तब्बल 11 कोटी 13 लाख रुपयांची आर्थिक फसवणूक करणाऱ्या सात आरोपींना पिंपरी-चिंचवड शहर सायबर पोलिसांनी महाराष्ट्र आणि राजस्थानातून अटक केली असून या प्रकरणात १ कोटी ८० लाख रुपयांची रक्कम होल्ड करण्यात आली आहे. शेअर मार्केट आणि आयपीओमध्ये गुंतवणूक केल्यास मोठा परतावा मिळेल असे आमिष दाखवून आरोपींनी वेगवेगळ्या कारणांनी फिर्यादी कडे वारंवार पैसे मागवले. आरोपींनी फिर्यादींकडून एकूण 11कोटी 13 लाख रुपये घेतले, मात्र कोणताही परतावा दिला नाही. त्यामुळे फिर्यादीच्या तक्रारीवरून सायबर पोलिसात आरोपीं विरोधात गुन्हा दाखल करण्यात आला. या गुन्ह्यात सायबर पोलिसांनी अभय बाबासाहेब पाटील, शिवतेज राजेंद्र पोटे, महेश करबसपा उडचणे ,राहुल बहादुरप्रसाद मौर्य , युवराज ऊर्फ संतोष सतीश मुदलीयार, पंकज मंगु गिरीगोस्वामी , प्रल्हाद पृथ्वीराज गाडरी, या सात आरोपीला अटक केली असून या कारवाईत पोलिसांनी १ कोटी ८० लाख रुपये होल्ड करून पुढील तपास पोलीस करत आहेत.