नाशिक महापालिका में भाजपा ने बहुमत बना लिया; शिंदे गट 26, पवार गट 4

अँकर नाशिक महापालिकेच्या १२२ जागांपैकी तब्बल ७२ जागा जिंकत भाजपने पुन्हा एकहाती सत्ता मिळवली. विरोधात लढलेल्या शिवसेना शिंदे गटाचे २६ तर राष्ट्रवादी अजित पवार गटाचे ४ नगरसेवक निवडून आले.केंद्र आणि राज्यात तिन्ही पक्ष एकत्र सत्तेत असल्याने नाशिक महापालिकेतही एकत्र काम करण्याची भूमिका भाजपचे शहराध्यक्ष सुनील केदार यांनी मांडली होती. शिंदे गटाकडूनही प्रस्ताव आल्यास विचार करू, असा सूर होता. त्यामुळे महायुतीतील मित्रपक्षांमध्ये पडद्याआड चर्चा सुरू असल्याची माहिती राजकीय वर्तुळात होती. एखादं महत्त्वाचं पद शिंदे गटाला मिळू शकतं, अशीही चर्चा रंगली होती.मात्र, या सर्व घडामोडींना छेद देत मंत्री गिरीश महाजन यांनी स्पष्ट शब्दांत भूमिका मांडली. "नाशिक महापालिकेत आम्हाला कुठल्याही कुबड्यांची गरज नाही. ज्या ठिकाणी आम्ही मित्रपक्षांसोबत लढलो, तिथे त्यांना सत्तेत घेतलं जातं. पण नाशिकमध्ये आम्ही परस्परांविरोधात लढलो आणि भाजपला स्पष्ट बहुमत आहे."* बाईट - गिरीश महाजन (मंत्री)