पुणे में व्यापारी अपहरण मामले में संगमनेर पुलिस ने पांचों आरोपियों को गिरफ्तार किया

पुण्यातून एका व्यापाऱ्याचे अपहरण करून पसार झालेल्या टोळीला संगमनेर पोलिसांनी पकडले आहे.. संगमनेर तालुक्यातील नाशिक - पुणे महामार्गवरील हिवरगाव पावसा टोलनाक्यावर सापळा रचून पोलिसांनी अपहरण केलेल्या व्यापाऱ्याची सुखरूप सुटका केली आहे.. या अपहरण प्रकरणात पोलिसांनी पाच आरोपींना ताब्यात घेतली असून 11 लाख 28 हजार रुपयांचा मुद्देमाल जप्त करण्यात आलाय.. पुणे जिल्ह्यातील काळेवाडी पोलिस ठाण्याच्या हद्दीतील एका व्यापाऱ्याचे अपहरण करून आरोपी चारचाकी गाडीतून आळेफाट्याच्या दिशेने येत असल्याची माहिती संगमनेर पोलिसांना मिळाली होती.. संगमनेर पोलिसांनी तातडीने हालचाली सुरू करत हिवरगाव पावसा टोलनाक्यावर सापळा रचला.. संशयित गाडीची झडती घेतली असता त्यामध्ये उत्तर प्रदेशातील पाच तरुण संशयास्पद अवस्थेत आढळले.. पोलिसांनी आरोपींकडून दोन गावठी कट्टे, सहा जिवंत काडतुसे, पाच मोबाईल, एक मनगटी घड्याळ आणि गुन्ह्यात वापरलेली कार असा एकूण 11 लाख 28 हजार रुपयांचा मुद्देमाल जप्त केला आहे.. संगमनेर पोलिसांच्या सतर्कतेमुळे अपहरण झालेल्या व्यापाऱ्याची सुखरूप सुटका झाली असून या कारवाईमुळे गुन्हेगार टोळीचा मोठा कट उधळला गेला आहे.. डॉ. कुणाल सोनावणे, उपविभागीय पोलिस अधिकारी, संगमनेर