वर्धा स्वर्गीय माजी खासदार दत्ताजी मेघे यांना शासकीय सन्मानात अखेरचा निरोप - दत्ता मेघे यांच्याच शेतात अखेरचा निरोप अँकर- माजी खासदार दत्ताजी मेघे यांच्या निधनानंतर आज भावना येथील त्यांच्या शेतामध्ये शासकीय सन्मानात अंत्यसंस्कार करण्यात आले. अत्यंत भावनिक वातावरणात त्यांच्या पार्थिवावर अंत्यसंस्कार पार पडले. या वेळी केंद्रीय मंत्री नितीन गडकरी, राज्याचे मुख्यमंत्री देवेंद्र फडणवीस, महसूल मंत्री चंद्रशेखर बावनकुळे, राज्यमंत्री आशिष जयस्वाल तसेच पालकमंत्री पंकज भोयर यांच्यासह विदर्भातील अनेक दिग्गज नेते उपस्थित होते. मान्यवरांनी मेघे यांना श्रद्धांजली अर्पण करत त्यांच्या कार्याची आठवण केली. दरम्यान, पोलीस विभागाकडून दत्ताजी मेघे यांना शासकीय मानवंदना देण्यात आली. त्यांच्या इच्छेनुसार आणि विधीनुसार भावना येथील त्यांच्या स्वतःच्या शेतातच अंत्यसंस्कार करण्यात आले. दत्ताजी मेघे यांच्या निधनाने विदर्भाच्या राजकीय व सामाजिक क्षेत्रात मोठी पोकळी निर्माण झाली आहे.