शहर नाशिकमध्ये तापमान वाढले; 37.1°C सेल्सिअस तापमानाची नोंद. नाशिक शहरात उन्हाचे तापमान वाढत असून मार्चच्या पहिल्या आठवड्यातच नाशिककरांना उन्हाच्या झळा लागण्यास सुरुवात झाली आहे. दरम्यान दुपारच्या वेळी नाशिककर नागरिक घराबाहेर पडणे टाळत असल्यामुळे नाशिक शहरातील रस्ते दुपारच्या वेळी निर्मनुष्य झाले असल्याचं पाहायला मिळतंय. या वाढत्या उन्हामुळे नागरिकांकडून गॉगल टोपी हेल्मेट रुमाल यासारख्या उन्हापासून संरक्षण करणाऱ्या वस्तूंचा वापर वाढला आहे. मार्च महिन्यातच 37.1 अंश सेल्सिअस इतक्या तापमानाची नोंद झाली.