कोल्हापूरातील शाहू मिल सुरू होण्यासाठी आज खासदार शाहू महाराज छत्रपती यांच्या कार्यालयात लोकप्रतिनिधींसह आंदोलकांची बैठक पार पडली. या बैठकीला खासदार शाहू महाराज छत्रपती, कोल्हापूर शहराचे आमदार राजेश क्षीरसागर, शिरोळचे आमदार राजेंद्र पाटील यड्रावकर, इचलकरंजीचे आमदार राहुल आवाडे आणि हातकणंगलेचे आमदार अशोक माने उपस्थित होते. आज झालेल्या बैठकीत शाहू मिल शासनाने चालवावी यासाठी सर्वांनी एकत्र येऊन पाठपुरावा करण्याचा निर्णय घेण्यात आला. यावेळी बोलताना खासदार शाहू महाराज यांनी कोल्हापूर जिल्ह्यातील सर्व लोकप्रतिनिधींनी एकत्र येत सरकार दरबारी पाठपुरावा करून शाहू मिल पूर्ववत सुरू करण्यासाठी प्रयत्न करू असे आश्वासन दिले. तर आमदार राजेश क्षीरसागर यांनी शाहू मिलच्या जागेवर शाहू महाराजांचे स्मारक उभारण्याबरोबरच मिल पुन्हा सुरू करण्यासाठी राज्य सरकारकडे सातत्याने पाठपुरendanceा करू असे स्पष्ट केले.