कोल्हापूर शहरातील पंचगंगा स्मशानभूमीत रक्षाविसर्जनासाठी जमलेल्या नातेवाइकांत क्षुल्लक कारणावरून तुंबळ हाणामारी झाली. ‘रक्षाविसर्जनाला वेळेत का आला नाही?’ या प्रश्नावरून सुरू झालेला वाद क्षणात वाढत गेला आणि तिरडीच्या काठ्यांनी झालेल्या मारहाणीपर्यंत पोहोचला. या घटनेत इचलकरंजी येथील चौघेजण गंभीर जखमी झाले असून स्मशानभूमीत काही काळ तणावाचे वातावरण निर्माण झाले होते.