अजित पवार दलित-मागासवर्गीय वोट बीजेपी से दूर लाने की कोशिश कर रहे हैं

राज्यात एकीकडे भाजप आणि शिवसेनेकडून हिंदुत्ववादी मतांना साद घातली जात आहे. दुसरीकडं नगरपालिका निवडणुकीच्या प्रचाराच्या निमित्ताने अजित पवार यांनी दलित आणि मागासवर्गीय मतं आकर्षित करण्याचा प्रयत्न सुरू केला आहे. शिव शाहू फुले आंबेडकरांचा विचार हा देशाचा आत्मा आहे. हाच विचार महाराष्ट्राची विचारधारा आहे. भविष्यात देखील हीच विचारधारा राहील. आपल्या राष्ट्रवादी काँग्रेस पक्षाचा आत्मा आहे. याच्या शिवाय कोणी जिवंत राहू शकत नाही. मागासवर्गीय समाजातील पानपट्टी चालवणाऱ्या अण्णा बनसोडेला आपण विधानसभेचा उपाध्यक्ष केले. हसन मुश्रीफ यांना मंत्री केले. सना मलिकला आमदार केले. इद्रिस नायकवाडीला विधान परिषदेत आमदार केले. केवळ एक अल्पसंख्यांक आमदार तिथे आहे. अशी उदाहरणे देऊन अजित पवार यांनी दलित मुस्लिम समाजाची भाजप पासून दूर जाणारी मते आपल्याकडे वळवण्याचा जोरदार प्रयत्न सुरू केला आहे