एकेकाळी कोल्हापूर जिल्ह्यात सहा आमदार असलेल्या शिवसेना उद्धव बाळासाहेब ठाकरे पक्षासाठी कोल्हापूर महानगरपालिकेत उमेदवार निवडून आणण्यासाठी मोठी धडपड सुरू आहे. काँग्रेस सोबत आघाडी केलेल्या शिवसेना ठाकरे गटाचे सात उमेदवार निवडणूक रिंगणात आहेत.. शिवसेनेत फाटा फूट झाल्यानंतर बहुतांश जुने कार्यकर्ते उपमुख्यमंत्री एकनाथ शिंदे यांच्यासोबत गेले. त्यानंतर देखील शिवसेना उद्धव बाळासाहेब ठाकरे पक्षाचे अस्तित्व राहावे यासाठी काही शिवसैनिक प्रयत्न करत आहेत. सध्या कोल्हापूर महानगरपालिका निवडणुकीच्या निमित्ताने अशीच धडपड शिवसेना ठाकरे पक्षांच्या उमेदवारांची शहरात सुरू आहे.