कोल्हापूर महानगरपालिका निवडणूक लढवण्याचा निर्णय अवघ्या दोन दिवसांपूर्वी घेतल्याची माहिती राज्यसभा खासदार धनंजय महाडिक याचे चिरंजीव कृष्णराज धनंजय महाडीक यांनी पत्रकार बैठकीत दिली. यासंदर्भात मुख्यमंत्री देवेंद्र फडणवीस, रवींद्र चव्हाण यांच्यासह भाजपच्या वरिष्ठ नेत्यांशी चर्चा झाल्याचे त्यांनी सांगितले. यावेळी बोलताना कृष्णराज महाडीक म्हणाले की, लवकरच आपला सविस्तर जाहीरनामा जाहीर केला जाणार असून तो वेगळ्या आणि युनिक मुद्द्यांवर आधारित असेल. गेल्या दीड वर्षांपासून काम करण्याची संधी मिळावी यासाठी आपण सक्रिय असल्याचे त्यांनी नमूद केले.