कोल्हापूर महानगरपालिकेसाठी महायुती आणि महाविकास आघाडीमध्ये थेट लढत होत असताना आता तिसऱ्या आघाडीने देखील यामध्ये उडी घेतली आहे. कार्यकर्ता पॅटर्न राबवत वंचित बहुजन आघाडी आणि आम आदमी पार्टी एकत्र येत आज तिसऱ्या आघाडीची घोषणा केली आहे. कोल्हापूर महानगरपालिकेमध्ये घराणेशाहीला थारा न देता कार्यकर्त्याला न्याय देण्यासाठी 81 जागांवर उमेदवार देणार असल्याची घोषणा या तिसऱ्या आघाडीकडून करण्यात आली. 16 जानेवारी नंतर महाविकास आघाडीने नेमकं काय गमावलं हे त्यांना कळेल असा इशारा देखील यावेळी देण्यात आला. शिवाय राष्ट्रवादी काँग्रेस शरदचंद्र पवार पक्ष सोबत आल्यास त्याचे आम्ही स्वागत करू असही पत्रकार परिषदेच्या माध्यमातून त्यांनी सांगितलं .