इचलकरंजी महानगरपालिकेसाठी पहिल्यांदाच होत असलेल्या निवडणुकीसाठी एकूण 16 प्रभागातील 65 जागांसाठी 230 उमेदवार निवडणूक रिंगणात राहिले आहेत. यामध्ये अपक्षांची संख्या जास्त असली तरी बहुतांश जागी महायुती विरुद्ध शिव शाहू विकास आघाडी यांच्यामध्ये दुरंगी लढत होणार आहे. तर शिवसेना ठाकरे गट 18 जागांवर स्वबळावर निवडणूक लढवत आहे. महायुतीमध्येच 18 जागांवर मैत्रीपूर्ण लढत देखील पाहायला मिळणार आहे. त्यामुळे काही जागांवर दुरंगी तर काही जागांवर तिरंगी लढत होणार आहे. अखेरच्या दिवसापर्यंत एकूण 153 उमेदवारांनी माघार घेतली. माघारी नंतर निवडणूक रिंगणात असणाऱ्या पक्षीय उमेदवारांची संख्या पाहिल्यास भाजपा 56 जागांवर निवडणूक लढवत आहे, महायुती मधील शिवसेना शिंदे गट 10 जागांवर उभा आहे. राष्ट्रवादी शरचंद्र पवार पक्ष 12 जागेवर आपला उमेदवार उभे केले आहेत. शिवसेना ठाकरे पक्ष एकूण 18 जागा लढवत आहे. शिव शाहू आघाडी एकूण 65 जागांवर उमेदवार उभे करून महायुतीला तगडे आव्हान दिलय. तर परिवर्तन आघाडी 9 जागा लढवीत आहे.