दख्खनचा राजा अशी ख्याती असणाऱ्या श्री क्षेत्र जोतिबा विकास प्राधिकरणाच्या आराखड्याचे लवकरच राज्याचे मुख्य सचिव राजेश अगरवाल यांच्यासमोर सादरीकरण होणार आहे. यासंदर्भात कोल्हापूर जिल्हाधिकारी कार्यालयात ज्योतिबा विकास प्राधिकरण आराखडा संदर्भात कार्यकारी समितीची बैठक पार पडल्ली. या बैठकीत सुमारे 200 कोटी रुपयांच्या आराखडा अंतर्गत होणाऱ्या कामाबाबत चर्चा झाली. पहिल्या टप्प्यात सुरू होणाऱ्या मंदिर संवर्धन, विद्युत विभागाची कामे, पाणीपुरवठा योजनेची कामे याचा आढावा घेण्यात आला.