छत्रपती संभाजीनगरच्या महापालिका निवडणुकीच्या रणधुमाळीत उमेदवारी अर्ज मागे घेण्याच्या अंतिम टप्यात शहरातील राजकीय वातावरण चांगलेच तापल्याचे दिसून आले. सर्वच प्रमुख पक्षांना ग्रासलेली अंतर्गत बंडखोरी रोखण्यासाठी भाजप, शिवसेना, उद्धवसेना आणि राष्ट्रवादी काँग्रेसच्या नेत्यांनी कंबर कसली. ही बंडखोरी रोखण्यासाठी स्वीकृत नगरसेवकपद, विविध समित्यांवरील पदे, भविष्यातील राजकीय संधी आणि संघटनात्मक जबाबदाऱ्यांचे मोठे आश्वासन देतं अखेर बंडोबांना थंड करण्यात नेत्यांना यश आले आहे. मात्र, तरीही काही ठिकाणी बंडखोरी कायम असल्याचे देखील चित्र आहे. पाहू यात कोणत्या पक्षात किती बंडखोर कायम आहेत.