ANCHOR - अनुदानित आश्रम शाळेच्या विद्यार्थ्यांना घेऊन जाणारी बस दरीत कोसळून भीषण अपघात झाला या अपघातामध्ये दोन विद्यार्थ्यांचा मृत्यू झाला आहे तर 40 पेक्षा जास्त लोक जखमी झाले आहेत. नंदुरबारच्या अक्कलकुवा तालुक्यातील अनेक गावचे विद्यार्थी घेऊन देवगोई घाटातून बस परतत असताना अमली बरी जवळ हा भीषण अपघात झाला. अपघाता वेळी बस मध्ये जवळपास 40 विद्यार्थी असल्याची समोर आली आहे. यातील बस खाली दाबून दोघां विद्यार्थ्याचा मृत्यू झाला आहे. हे विद्यार्थी जळगाव जिल्ह्यातल्या चाळीसगाव तालुक्यातील मेहुनबारे आश्रम शाळेचे विद्यार्थी असल्याची माहिती समोर आली आहे. या आश्रम शाळेच्या दोन बस आज दिवाळीच्या सुट्टीनंतर विद्यार्थ्यांना घेण्यासाठी आल्या होत्या. जखमींना अक्कलकुवा ग्रामीण रुग्णालयात हालवले असून, दोन ते तीन विद्यार्थ्यांची प्रकृती गंभीर असल्याची माहिती आहे. जिल्हा प्रशासनाच्या नियोजन शून्य कारभारामुळे हा अपघात झाल्याचा आरोप केला जात आहे. या घाटामध्ये वारंवार अपघात होत असताना लोकांचा जीव जात असताना, प्रशासनाने सुरक्षेचे उपाय या ठिकाणी केलेले दिसून येत नाहीत. काही दिवसांपूर्वी अस्तंबा यात्रेतून परतणाऱ्या भाविकांचाही अपघात झाला होता. त्यातही अनेकांना आपले जीव गमवावे लागले होते. विद्यार्थ्यांच्या या अपघातामुळे सर्व पालकांमध्ये आक्रोश दिसून येत आहे व संतापाची लाटही आहे.