छत्रपती संभाजीनगर महानगरपालिकेचा अर्थसंकल्प जाहीर तब्बल ३ हजार २०० कोटी रुपयांच्या या अर्थसंकल्पातून शहराच्या सर्वांगीण आधुनिकीकरणावर भर ANCHOR: छत्रपती संभाजीनगर महापालिकेचा २०२६-२७ या आर्थिक वर्षासाठीचा महत्त्वाकांक्षी अर्थसंकल्प आज सादर करण्यात आला आहे. तब्बल ३ हजार २०० कोटी रुपयांच्या या अर्थसंकल्पातून शहराच्या सर्वांगीण आधुनिकीकरणावर भर देण्यात आला असून महापालिका आयुक्त जी. श्रीकांत यांनी स्थायी समितीसमोर हा अर्थसंकल्प सादर केला. शहराच्या पायाभूत सुविधांमध्ये मोठी सुधारणा करण्यावर प्रशासनाचा विशेष फोकस दिसून येत आहे. या अर्थसंकल्पात सिटी सेंट्रल पार्क, मल्टी लेव्हल पार्किंग प्रकल्प, पर्यावरणपूरक वाहतुकीसाठी EV चार्जिंग स्टेशन उभारणीसाठी मोठ्या निधीची तरतूद करण्यात आली आहे. याशिवाय, प्रशासनात कृत्रिम बुद्धिमत्ता म्हणजेच AI चा वापर करण्याचा महत्त्वाचा निर्णयही घेण्यात आला आहे. महापालिकेच्या वीज खर्चात बचत करण्यासाठी सौरऊर्जा प्रकल्प, अतिक्रमणमुक्त DP रस्त्यांची रुंदीकरण यालाही प्राधान्य देण्यात आले आहे. पर्यटनवाढीच्या दृष्टीने शहरात डबलडेकर बस सुरू करण्याचाही प्रस्ताव मांडण्यात आला आहे. स्थायी समितीने या अर्थसंकल्पावर सखोल चर्चा करून आवश्यक त्या सुधारणा करून अंतिम मंजुरी दिली आहे.