वाशिम: अँकर:वाशिम कृषी उत्पन्न बाजार समितीत काल तब्बल३५ हजार क्विंटलहुन अधिक सोयाबीनची आवक नोंद झाली आहे.या मोठ्या प्रमाणातील आवकेमुळे बाजार समितीत आजही गजबजलेले वातावरण आहे. कालपर्यंत१८ हजार क्विंटल सोयाबीनची मोजणी पूर्ण झाली असून,साध्या सोयाबीनसाठी ४,००० ते ४,८०० इतका दर मिळाला.तर बिजवाई दर्जाच्या सोयाबीनला तब्बल ६,००० ते ८,५०० दर मिळत आहे.अजूनही १७ ते २० हजार क्विंटल सोयाबीनची मोजणी बाकी असल्याने पुढील दोन दिवस मोजणी सुरूच राहणार असल्याची माहिती बाजार समिती प्रशासनाकडून देण्यात आली आहे.काही शेतकरी आजही आपला माल घेऊन बाजार समितीकडे येत आहेत. शहरातील पुसद नाका ते बाजार समितीपर्यंत तब्बल एक किलोमीटरपर्यंत वाहनांची रांग लागली आहे.त्यामुळे हा माल खरेदी होणार का?असा प्रश्न शेतकऱ्यांमध्ये निर्माण झाला आहे.