नवी मुम्बई आंतरराष्ट्रीय विमानतळावरून २५ डिसेंबरपासून व्यावसायिक विमानसेवांना सुरुवात होणार असून या विमानसेवांच्या संकेतस्थळांसोबतच आता काही खासगी तिकिटविक्री संकेतस्थळांच्या माध्यमातूनही नवी मुंबईतून उपलब्ध होणाऱ्या विमानसेवांची तिकिटे दिसण्यास सुरुवात झाली आहे. 'मेक माय ट्रिप', 'क्लिअरट्रिप', 'गो आयबिबो', 'इझमाय ट्रिप' अशा संकेतस्थळांवर नवी मुंबईचे नाव लागले आहे. इतर सगळ्या संकेतस्थळांवर नवी मुंबई इंटरनॅशनल एअरपोर्ट कोडनुसार 'एनएमआय' असे दिसत असून 'क्लिअरट्रिप' आणि पेटीयम वर मात्र या विमानतळाचे नाव 'डी. बी. पाटील विमानतळ' असे झळकलेले दिसते. नवी विमानतळाचे नाव अजूनही अंतिम झालेले नसून या विमानतळाचे नाव 'दि. बा. पाटील' असे दिसू लागल्याने हे नामकरण केव्हा झाले, असा प्रश्न निर्माण झाला आहे. या नामकरण साठी स्थानिकांचा संघर्ष सुरू असून विमानतळासाठी इतरही नावे समोर आल्यााने हे नामकरण रखडले आहे. नामकरण रखडले तरी तांत्रिकदृष्ट्या विमानतळावरून तिकिट नोंदणीला काहीच अडचण येत नाही. यावर मात्र भूमीपुत्रांनी नाराजी व्यक्त केली असून , फक्त टर्मिनल ला नाव न देता एअरपोर्ट ला नाव द्यावं अशी मागणी कायम आहे , याबाबत तिकीट बुक केलेल्या भूमिपुत्र शी बातचीत केली आहे आमच्या प्रतीनेधी स्वाती नाईक यांनी