धान्यांच्या काळाबाजार ट्रक ताब्यात घेत केली कारवाई.... १६५ क्विंटल तांदूळ व गहूचा साठा केला जप्त... शहापूर पोलीस ठाण्यात गुन्हा दाखल... शहापूर तालुक्यातील गंगारोड वाफे येथे अर्चना स्कुल समोर असणाऱ्या गोडावुन लगत धान्याच्या गोण्या भरलेला ट्रक क्र. MH04 KU 6575 आढळून आला. सदर ट्रकवर सार्वजनिक वितरण व्यवस्था सुधारित धान्य वितरण पद्धती महाराष्ट्र शासन असे नाव लिहीलेले संशयास्पदरित्या उभा असल्याची माहिती मिळाल्याने शहापूर पोलिसांनी ट्रक ताब्यात घेतला आहे. ट्रकमध्ये असणाऱ्या धान्याची खात्री होवुन कारवाई करण्यासाठी तहसिलदार शहापुर व पुरवठा अधिकारी शहापुर यांना कळविण्यात आले. पुरवठा अधिकारी, शहापुर यांनी ट्रकमध्ये असलेल्या धान्याबाबत खात्री केली असता ट्रकमध्ये ५० कि. वजनाचे ३२० कट्टे तांदूळ म्हणजेच १६०.०० क्वि. तांदूळ व १० कट्टे गहू असा एकूण १६५.०० क्वि. धान्यसाठा साठा आढळुन आला आहे. सदर ट्रकच्या चालकाने वाहनातील सार्वजनिक वितरणाचे धान्यांचा काळाबाजार करण्याचे उद्देशाने दिलेल्या मार्गात बदल करुन वाहनातील धान्यांचा काळाबाजार करण्याचा प्रयत्न केला असले बाबत पुरवठा अधिकारी, शहापुर यांनी दिलेल्या तक्रारीवरुन समोर आली आहे. सदरचा ट्रक हा भिवंडीतील शासकीय गोडाऊन येथू धान्य घेऊन शहापूर तालुक्यातील आघई येथे जाणार होता. शहापुर पोलीस ठाणे गु.रजि.नं. ३६०/२०२५ अत्यावश्यक वस्तू अधिनियम १९५५ मधील तरतुदीनुसार कलम -३, ७ प्रमाणे गुन्हा दाखल करण्यात आला आहे. या गुन्ह्यातआरोपीला ताब्यात घेण्यात आले असुन पुढील तपास शहापुर पोलीस करीत आहेत.