स्लग - नर्सरीला लागलेल्या आगीमध्ये महिलेचा होरपळून संशयास्पद मृत्यू, आगीच्या घटनेनंतर पतीचे पलायन. अँकर - सांगली शहरात एका नर्सरी मधील पत्र्याच्या शेडच्या आगीत महिलेचा संशयास्पद होरपळून मृत्यू झाल्याची घटना घडली आहे. धामणी चौक येथे असणाऱ्या मयूर नर्सरीमध्ये लागलेल्या आगीमध्ये ही घटना घडली असून निकिता शिव मनगुळे-लोंढे असे आगीत मृत्यू झालेल्या महिलेचे नाव आहे. निकिता मनगुळे-लोंढे व तिचा पती कर्नाटकातील कागवाड येथील असून ते सध्या सांगली शहरातील धामणी चौकातील मयूर नर्सरीमध्ये राहण्यास होते. शुक्ररात्री साडेदहा वाजण्याच्या सुमारास नर्सरीमध्ये असणाऱ्या पत्राच्या शेडला व नर्सरी मधील झाडांना आग लागली, आगीची माहिती समजताच महापालिकेच्या अग्निशमन विभागाने घटनास्थळी धाव घेत आग आटोक्यात आणली. मात्र ज्या पत्र्याच्या शेडमध्ये महिलेचा होरपळून मृत्यू झाला ,त्या पत्र्याच्या शेडला बाहेरून कडी असल्याचे निदर्शनास आले,तसेच आगीच्या घटनेनंतर महिलेच्या पतीने घटनास्थळावरून पलायन केल्याचे स्थानिकांनी सांगितले, त्यामुळे निकिता मनगुळे-लोंढे हिचा आगीत होरपळून मृत्यू झाला की पतीने घातपात केला,याबाबत ही विश्रामबाग पोलीस कडून तपास केला जातोय.