अँकर- रत्नागिरी विधानसभा मतदार संघात २३ हजार मतदार बोगस मतदार आहेत. याची आम्ही कल्पना निवडणुक आयोगाला दिली होती. मात्र विधानसभेच्या वेळी याची दखल घेतली गेली नाही. त्यामुळे आता स्थानिक स्वराज्य संस्थांच्या निवडणुका येत आहेत. त्यामुळे हि बोगस मतदारांची नावे वगळली जावीत आणि त्यानंतर जिल्हा परिषद पंचायत समिती आणि नगरपालिकेच्या निवडणुका व्हाव्यात. मतदार रचनेची तारिख जवळ येत आहे त्यामुळे हि नावं रद्द झाली तरच आम्ही स्थानिक स्वराज्य संस्थांच्या निवडणुका होवू देणार नाही अशा इशार उद्धव ठाकरे गटाचे उपनेते आणि माजी आमदार बाळ माने यांनी केलाय.\nअँकर- रत्नागिरी जिल्ह्यातील रस्त्यांची चाळण झालीय. या खड्डेमय रस्त्यांच्या विरोधात उद्धव ठाकरे सेना आक्रमक झालीय. उद्या या खड्डेमय रस्त्यांच्या विरोधात प्राशासनाला जाग आणण्यासाठी अनोखं चक्का जाम आंदोलन उद्धव ठाकरे सेना करणार आहे. खड्डेमय रस्त्याच्या ठिकाणी उद्या १२ वाजता वाहनचालकांनी रस्त्याच्या मधोमध गाडी थांबवून चक्का जाम आंदोलन करावे. जिल्ह्यात कुठल्याही रस्त्यावर हे आंदोलन करावे. तर खड्डेमय रस्त्याचा आपल्या सोबत फोटो काढून तो माध्यमांवर पोस्ट करावा अशी विनंती उद्धव ठाकरे सेनेचे उपनेते बाळ माने यांनी केलीय.