हजरत चांदशाहवली बाबांच्या उरूसाला आजपासून सुरुवात झालीय... यंदाच्या उरूसाचे ४६१ वे वर्ष आहे. तीन दिवसाच्या उरूसाच्या काळात हजारो भाविक या ठिकाणी हजेरी लावून बाबांच्या मजारीचे दर्शन घेतात. नवसाला पावणारे देवस्थान म्हणून हे सर्व दूर परिचित आहे. उरुसाच्या पहिल्या दिवशी संदल आणि गल्लफ व फूलांची चादर अपर्ण केल्यानंतर संदलच्या मिरवणुकीत मोठ्या प्रमाणात हिंदू मुस्लिम युवक सहभागी होत असतात. छत्रपती शिवाजी महाराजांचे आजोबा वीरश्री मालोजीराजे भोसले हे सरदार होते. त्यांच्या पश्चात त्यांचा इंदापूर परगना असलेला गल्लफचा मान हा पोलीस प्रशासनाला देण्यात आला आहे. शनिवारी उरूसाचा मुख्य दिवस आहे. रविवारी झेंडा व जियारत होऊन शोभेच्या दारुकामाने व फटाक्याच्या आतिशबाजीने बाबांच्या झेंड्याची ग्राम प्रदिक्षणा होऊन सांगता होणार आहे. उरुसानिमित्त दर्गाहला आकर्षक विद्यूत रोषणाई करण्यात आली आहे.