विशाल मोरे, मालेगाव - किसान सभेचा पायी मोर्चा नाशिकच्या दिशेने रवाना.. 5 हजार पेक्षा जास्त शेतकरी व आदिवासींचा सहभाग... शेतकऱ्यांच्या प्रलंबित मागण्यासाठी काढला मोर्चा.... शेतकऱ्यांच्या विविध प्रलंबित मागण्यांसाठी किसान सभेच्यावतीने सुरगाण्याच्या बोरगाव येथे रास्ता रोको गेल्या पाच दिवसांपासून सुरू ठिय्या आंदोलन करूनही तोडगा न निघाल्याने अखेर किसान सभेचे हे लाल वादळ माजी आमदार कॉम्रेड जे. पी.गावित यांच्या नेतृत्वाखाली नाशिक आणि मुंबईच्या दिशेने घोंगावू लागले आहे. सुमारे पाच हजार पेक्षा जास्त शेतकरी व आदिवासी स्वतःचा शिधा व अंथरूण व पांघरून घेऊन पायी मोर्चाने निघाले असून, शुक्रवारी हा मोर्चा नाशिक येथे पोहचून जिल्हाधिकारी कार्यालयाला घेराव घालणार आहे व त्यानंतर मुंबईकडे कूच करणार आहे.