नाशिक में फटाक़ा शॉप के लिए 13 लाख की ठगप्रणाली: आरोपी गिरफ्तार

नाशिकात एका व्यावसायिकाला फटाका शॉप सुरू करण्यासाठी लागणारा परवाना मिळवून देतो असे सांगून एकूण १३ लाख रुपये उकळून फसवणूक केल्याचा प्रकार उघडकीस आला आहे. याप्रकरणी मुंबईनाका पोलिसांनी संशयित आरोपी शिंदेसेनेचा कार्यकर्ता संशयित सचिन रमेश मोगल, अग्निशमन दलातून सेवानिवृत्त झालेले संशयित आरोपी तौसिफ इब्राहिम शेख यांना अटक केली आहे. नाशिकरोड येथील व्यावसायिक फिर्यादी सारंग चांदे यांना फटाका शॉप सुरू करण्यासाठी शासकीय आस्थापनांकडून ना हरकत दाखल्यांसह परवाना पाहिजे होता. यासाठी त्यांनी ओळखीचे संशयित तौसिफ यांच्याशी संपर्क साधला. त्यांनी तांबे यांची ओळख मोगल यांच्यासोबत करून दिली. मोगल यांनी त्यांना विविध राजकीय नेते, तसेच विद्यमान मंत्री यांची ओळख सांगून त्यांच्यासोबत काढलेली विविध छायाचित्रे दाखवून परवाना मिळून देतो, असे सांगत विश्वासात घेऊन विविध कार्यालयांच्या अधिकाऱ्यांना पैसे देण्याच्या नावाखाली तांबे यांनी मोगल, शेख यांच्याकडे रक्कम उकळली. तांबे यांनी मोगल, शेख यांच्याकडे विचारणा केली असता त्यांनी आता फक्त पोलिस आयुक्त कार्यालयाची परवानगी घेणे शिल्लक असल्याचे सांगून आणखी काही रकमेची मागणी करत अजून १ लाखाची खंडणी उकळल्याचे तक्रारीत म्हंटले आहे.