मुक्ताईनगरात संत मुक्ताई यात्रोत्सवाचा भक्तिमय शुभारंभ जळगाव जिल्ह्यातील मुक्ताईनगर येथे आदिशक्ती संत मुक्ताई यात्रोत्सवाचा पारंपरिक उत्साहात ध्वजारोहण करून शुभारंभ करण्यात आला. मंदिर परिसरात धार्मिक विधी, मंत्रोच्चार आणि भक्तांच्या जयघोषात वातावरण भक्तिमय झाले होते. ध्वजारोहणानंतर विशेष पूजाअर्चा व आरतीचे आयोजन करण्यात आले. भाविकांनी संत मुक्ताई यांच्या स्मृतींना अभिवादन करत दर्शन घेतले. यात्रोत्सवानिमित्त भजन-कीर्तन, प्रवचन तसेच विविध सांस्कृतिक कार्यक्रमांचे आयोजन करण्यात आले असून पुढील काही दिवस भक्तीमय वातावरणात कार्यक्रमांची रेलचेल राहणार आहे. दरवर्षीप्रमाणे यंदाही हजारो भाविक उपस्थित राहतील, असा विश्वास आयोजकांनी व्यक्त केला. यात्रेसाठी मंदिर परिसरात स्वच्छता, पाणीपुरवठा, प्रकाशयोजना आणि सुरक्षेची विशेष व्यवस्था करण्यात आली असून ग्रामपंचायत व मंदिर ट्रस्टने भाविकांच्या सोयीसुविधांकडे विशे लक्ष दिले आहे...