धार्मिक व सांस्कृतिक उपक्रमांसाठी प्रसिद्ध असलेल्या श्री सालासर बालाजी मंदिरात सालासार बालाजी सेवा समितीच्या वतीने भव्य देव दिवाळी सोहळ्याचे आयोजन करण्यात आले होते. या सोहळ्यात तब्बल १० हजार दीपमाळांची दिपोत्सव आरास सजवण्यात आली होती. मंदिर परिसर आकर्षक विद्युत रोषणाईने उजळून निघाला होता. रंगीबेरंगी रांगोळ्या, फुलांच्या सजावटीने परिसर अधिकच देखणा भासू लागला होता. भाविकांनी मोठ्या संख्येने मंदिरात हजेरी लावत भगवान बालाजीचे दर्शन घेतले. विविध रंगांच्या आकर्षक काचेच्या ग्लासांमध्ये सजवलेले हजारो दीपक विशेष आकर्षणाचा विषय ठरले. दीपमाळांच्या प्रकाशात मंदिर परिसर भाविकांनी सेल्फी काढत या अविस्मरणीय क्षणांचे स्मरण जतन केले. भक्तिरसाने ओथंबलेल्या या वातावरणात भाविकांनी उत्साहाने सहभाग घेतला.