ધનપુરા(જોરણગ) ગામ માં થયેલી ચોરી નો ભેદ ઉકેલાયો મહેસાણા એલસીબી એ ચોર ટોળકી ઝડપી રૂપિયા 75.81 લાખની મત્તાની બંધ મકાન માં ચોરી થઇ હતી રૂપિયા 27.48 લાખ ના મુદ્દામાલ સાથે 3 ચોર ઝડપાયા ચીખલીગર ગેંગ ના ત્રણ ચોર ઝડપાયા અને હજુ એક ફરાર આ ચીખલીગર ગેંગ અનેક ચોરી ના ગુન્હા માં સંડોવાયેલી છે સોના ના દાગીના અને અન્ય મળી 27.80 લાખ નો મુદ્દામાલ કબ્જે કર્યો મહેસાણા એલસીબી એ ગણતરીના કલાકો માં ચોરી નો ભેદ ઉકેલ્યો એન્કર;- મહેસાણા જિલ્લામાં બનેલી એક મોટી ઘરફોડ ચોરીનો ભેદ ઉકેલાયો છે. પોલીસે ત્રણ આરોપીઓની ધરપકડ કરી છે અને ચોરીનો મોટો ભાગનો મુદ્દામાલ પણ પાછો મેળવી લીધો છે. પોલીસે આ ગુનાનો ઉકેલ કેવી રીતે લાવ્યો, અને આ આરોપીઓ કોણ છે. ચાલો, જોઈએ અમારા આ ખાસ અહેવાલમાં. વિઓ;-1 મહેસાણાના લાંઘણજ પોલીસ સ્ટેશનની હદમાં આવેલા ધનપુરા ગામમાં, 7 સપ્ટેમ્બર, 2025ના રોજ એક મોટી ઘરફોડ ચોરીની ઘટના બની હતી. રાત્રે 10 વાગ્યાથી સવારે 8:30 વાગ્યાની વચ્ચે, અજાણ્યા ચોરોએ જીગ્નેશકુમાર ભીખાભાઈ પટેલના ઘરનું તાળું તોડીને પ્રવેશ કર્યો. તેમણે તિજોરી તોડીને અંદરથી સોના-ચાંદીના દાગીના અને રોકડ રૂપિયા સહિત કુલ ₹75,81,550 ની કિંમતની વસ્તુઓની ચોરી કરી. આ ગુનાની ગંભીરતાને ધ્યાનમાં રાખીને, નાયબ પોલીસ મહાનિરીક્ષક શ્રી વિરેન્દ્રસિંહ યાદવ અને પોલીસ અધિક્ષક શ્રી હિમાંશુ સોલંકી દ્વારા LCB પોલીસ ઈન્સ્પેક્ટર એન.આર.વાઘેલાને આ કેસનો ઉકેલ લાવવા સૂચના આપવામાં આવી. અને સમગ્ર ચોરીની ઘટના અંગે તપાસ શરૂ કરવામાં આવી. જેમાં સીડીઆર અને અન્ય સોર્સ દ્વારા પોલીસે તપાસ કરતા આ ચોરીમાં ચીખલીગર ગેંગ નો હાથ હોવાનું ખુલ્યું હતું અને તે દિશામાં તપાસ ને અંતે આરોપીઓ પકડી લેવાયા છે. બાઈટ;-મિલાપ પટેલ--------ડીવાયએસપી મહેસાણા વિઓ;-2 મહેસાણા LCBની ટીમોએ તાત્કાલિક કાર્યવાહી હાથ ધરી. તેમણે ઘટનાસ્થળની મુલાકાત લીધી, આસપાસના રૂટના CCTV ફૂટેજ તપાસ્યા અને હ્યુમન સોર્સિસ (બાતમીદારો) દ્વારા તપાસ ચાલુ રાખી. આ દરમિયાન, PSI એમ.ડી. ડાભી અને HC નિલેશકુમાર ગિરીશભાઈને મળેલી ગુપ્ત માહિતીના આધારે ત્રણ શખ્સોની ધરપકડ કરવામાં આવી. પકડાયેલા આરોપીઓના નામ હથિયારસિંગ ઉર્ફે નુરીસિંગ, બલમતસિંગ ઉર્ફે બચુ, અને ગુરમુખસિંગ ઉર્ફે કિન્ના છે. જેઓ કલોલના રહેવાસી છે. પોલીસે તેમની પાસેથી ચોરી કરવા માટે ઉપયોગમાં લેવાયેલ સાધનો અને ચોરીનો મુદ્દામાલ જપ્ત કર્યો. તેમની પાસેથી કુલ ₹27,80,380નો મુદ્દામાલ મળી આવ્યો, જેમાં સોનાના દાગીના, હોન્ડા સાઈન મોટરસાયકલ, મોબાઈલ ફોન અને રોકડનો સમાવેશ થાય છે. બાઈટ;-મિલાપ પટેલ---------ડીવાયએસપી મહેસાણા પકડાયેલા આરોપીઓએ ચોરીની કબૂલાત કરી છે. તેમણે જણાવ્યું કે તેઓ 7 સપ્ટેમ્બરની રાત્રે કલોલથી ધનપુરા આવ્યા હતા અને પોપટપાના તથા પકડ વડે ઘરનું અને તિજોરીનું તાળું તોડીને ચોરી કરી હતી. પોલીસની તપાસમાં એ પણ સામે આવ્યું છે કે તેમણે 5 સપ્ટેમ્બર, 2025ના રોજ કડી તાલુકાના જાસલપુર ગામમાં પણ મોટરસાયકલની ચોરી કરી હતી. આરોપીઓનો ગુનાહિત ઇતિહાસ પણ મોટો છે. હથિયારસિંગ ઉર્ફે નુરીસિંગ વિરુદ્ધ કલોલ અને માણસા પોલીસ સ્ટેશનમાં અગાઉ પણ અનેક ચોરીના ગુના નોંધાયેલા છે. હાલ, ત્રણેય આરોપીઓ વિરુદ્ધ કાયદેસરની કાર્યવાહી કરીને તેમને લાંઘણજ પોલીસ સ્ટેશનને વધુ તપાસ માટે સોંપવામાં આવ્યા છે. તેજસ દવે ઝી 24 કલાક મહેસાણા