DATE:29/09/2025 LOCATION:VADODARA APRUVAL BY : HAMIM BHAI નવરાત્રિના રંગીન માહોલ વચ્ચે વડોદરાના ખેલૈયાઓ માટે માઠા સમાચાર સામે આવ્યા છે. ગઇકાલે પડેલા ભારે વરસાદના કારણે યુનાઈટેડ વે ગરબા ગ્રાઉન્ડની સ્થિતિ અત્યંત નાદુરસ્ત બની છે. જેના પગલે આજે પણ ગરબાનું આયોજન લગભગ મુલતવી રહે તેવી શક્યતા છે. ​ગ્રાઉન્ડમાં ચારે તરફ કીચડ અને ગંદકીનું સામ્રાજ્ય ફેલાયેલું છે. યુનાઈટેડ વેના ગરબાના આયોજન પર વરસાદનું પાણી ફરી વળતા ગ્રાઉન્ડને ફરીથી રમી શકાય તેવું બનાવવા માટે યુદ્ધના ધોરણે કામગીરી શરૂ કરવામાં આવી છે. 250થી વધુ મજૂરોને ગ્રાઉન્ડના સમારકામમાં જોતરવામાં આવ્યા છે. સ્થિતિની ગંભીરતા જોતા ખુદ આયોજકોએ પણ આ કામગીરીમાં જોડાવું પડ્યું છે. ​આ મામલે આયોજક તારક પટેલે જણાવ્યું હતું કે, "અમે ગ્રાઉન્ડને તૈયાર કરવા માટે પૂરા પ્રયત્નો કરી રહ્યા છીએ. હાલ ગ્રાઉન્ડની સ્થિતિ સારી નથી, પરંતુ જો સવારથી તડકો નીકળશે અને હવામાન સાથ આપશે, તો લગભગ સાંજના સમયે ખેલૈયાઓ ગરબા રમી શકશે. અમે ખેલૈયાઓને ધીરજ રાખવા વિનંતી કરીએ છીએ." ​હાલ, તમામ ખેલૈયાઓ અને આયોજકો સૂર્ય ભગવાન વહેલી તકે દર્શન આપે અને ગ્રાઉન્ડ સુકાઈ જાય તેની આશા રાખી રહ્યા છે. બાઈટ : તારક ભાઈ ( આયોજક ) WKT