વડોદરાની ગોત્રી વિસ્તીરમાં મહાનગર પાલિકા દ્વારા રોડ અને ડ્રેનેજની કામગીરી ચાલી રહી હતી, તે દરમિયાન કપચી ભરેલ એક ટ્રક અચાનક રોડ પર બનેલા ખુલ્લા ભુવામાં ફસાઈ ગયો. ભુવામાં ટ્રક પડતાં જ તેનો આગળનો ભાગ ઊંચો થયો હતો, જેના કારણે રસ્તા પરથી પસાર થતા અન્ય વાહનચાલકો અને સ્થાનિકોમાં અફરાતફરી મચી ગઈ હતી. ઘટના સમયે જો ટ્રક સંપૂર્ણ રીતે પલટી મારી હોત તો મોટો જાનહાણીનો બનવ શક્ય હતો, પરંતુ નસીબજોગે કોઈ મોટી દુર્ઘટના ટળી ગઈ. નોંધપાત્ર બાબત એ છે કે જ્યાં ખોદકામ ચાલી રહ્યું હતું ત્યાં કોઈપણ પ્રકારની બેરિકેડિંગ, ચેતવણી બોર્ડ કે લાઈટની વ્યવસ્થા નહોતી, જે મહાનગર પાલિકાની ગંભીર બેદરકારીને સ્પષ્ટ રીતે દર્શાવે છે. ઘટનાની જાણSidlocalsમાં ભારે રોષ જોવા મળ્યો હતો અને લોકોમાં ભયનો માહોલ છવાઈ ગયો હતો. સ્થાનિકોએ પાલિકા સામે સવાલ ઉઠાવ્યા છે કે વારંવાર આવા બનાવો છતાં હજુ સુધી સુરક્ષા અંગે કડક પગલાં કેમ લેવાતા નથી. શહેરમાં વિકાસના નામે ચાલી રહેલી અધૂરી અને બેદરકાર કામગીરી ક્યારે કોઈની જિંદગી લઈ જશે તેવો સવાલ હવે વડોદરાવાસીઓ કરી રહ્યા છે.