ఘోర రోడ్డు ప్రమాదం ఇద్దరు మృతి

మహబూబాబాద్ జిల్లా గూడూరు మండల కేంద్రంలో ఘోర రోడ్డు ప్రమాదం జరిగింది. మహబూబాబాద్ నుంచి నర్సంపేట వైపు వెదురు బొంగులతో వెళ్తున్న లారీ అదుపు తప్పి బీభత్సం సృష్టించింది. తెల్లవారు జామున ప్రధాన రహదారిపై బస్సు కోసం వెతుకుతున్న ప్రయాణికులను లారీ ఢీకొట్టడంతో గూడూరు సీఐ గన్‌మెన్ పాపారావు, ప్రభుత్వ ఉపాధ్యాయుడు దేవేంద్ర అక్కడికక్కడే మృతి చెందారు. డ్రైవర్ నిద్రమత్తు వల్లే ఈ ప్రమాదం జరిగి ఉంటుందని స్థానికులు చర్చించుకుంటున్నారు.