మాజీ మంత్రి గంగుల కమలాకర్ చేతుల మీదుగా లావణ్య టిఫిన్ సెంటర్ ప్రారంభం

మండల కేంద్రమైన రెబ్బెనతోపాటు పలు గ్రామాల్లో ఆదివారం రాత్రి సుమారు మూడు గంటల పాటు భారీ వర్షం దంచుకొట్టింది. సుమారు రాత్రి ఒంటిగంటకు ప్రారంభమైన వాన దాదాపు మూడు గంటల పాటు కురిసింది. ఈ వానతో రెండు గంటల పాటు విద్యుత్ సరఫరాలో అంతరాయం ఏర్పడింది. మండలంలోని గోలేటి, పులికుంట, గోలేటి క్రాస్ రోడ్, నంబాల, గంగాపూర్, కాగజ్ నగర్ క్రాస్ రోడ్ తదితర ప్రాంతాల్లో భారీ వర్షం నమోదు అయింది.

ఆదివారం ఉదయం ఎర్రటి ఎండ కాయంగానే వర్షం కురవగా తర్వాత రెండు గంటలకు 20 నిమిషాల పాటు ఉరుములు మెరుపులతో కూడిన భారీ వర్షం కురిసింది. ఈరోజు రెబ్బెన మండలంలోని పలు గ్రామాల్లో గణేష్ మండపాల వద్ద అన్నదాన కార్యక్రమాలు చేస్తుండగా వర్షం పడటంతో నిర్వాహకులు తీవ్ర ఇబ్బంది పడ్డారు. అదేవిధంగా భక్తులు కూడా అన్నదాన కార్యక్రమానికి వెళ్లడానికి వర్షం అడ్డంకిగా మారింది ఈ వానతో మండలంలోని వాగులు వంకలు పొంగిపొర్లాయి.

గత కొన్ని రోజులుగా భారీ వర్షాలతో అతలాకుతలమైన రెబ్బెన మండల ప్రజలకు ఆదివారం విచిత్ర పరిస్థితి ఎదురైంది ఉదయం సుమారు 11:30 గంటలకు ఒకవైపు ఎర్ర నిండా కాస్తుండగానే మోస్తారు వర్షం కురవడంతో ప్రజలు ఆశ్చర్యపోయారు. ఇంతకాలం ఉరుములు మెరుపులతో భారీ వర్షాలు కురవగా ఆదివారం ఉదయం అలాంటి పరిస్థితి ఏమీ లేకుండానే ఎండలోనే వర్షం కురవడం విచిత్రంగా అనిపించింది. పర్యావరణ సమతుల్యం దెబ్బతినడం, అడవుల ఆక్రమణ, నరికివేత కారణంగానే ఇలాంటి పరిస్థితులు ఎదురవుతున్నాయనీ పర్యావరణవేత్తలు అభిప్రాయపడుతున్నారు.

రెబ్బెన మండలంలోని పారిశ్రామిక ప్రాంతమైన గోలేటిటౌన్షిప్ లో శుక్రవారం ఉదయం సుమారు 11:30 గంటలకు భారీ వర్షం కురిసింది. గత వారం రోజులుగా ఎడతెరిపి లేకుండా వర్షాలు కురుస్తుండగా గురువారం మాత్రం తెరిపినిచ్చింది. గురువారం సాయంత్రం గోలేటిలో నిర్వహించిన సంతకు కూరగాయలు ఇతర వస్తువులు తీసుకున్నారు. అయితే గురువారం రాత్రి కూడా వర్షం రాలేదు దీంతో రైతులు చైన్లలోకి వెళ్లి పనులు చేస్తుండగా ఉదయం సుమారు 11:30 గంటలకు 20 నిమిషాల పాటు భారీ వర్షం కురిసింది.

రెబ్బెన మండలంలోని పలు గ్రామాల్లో బుధవారం వినాయక చవితి పండుగను ప్రజలు ఘనంగా జరుపుకున్నారు. మండలంలోని పలు గ్రామాల్లోనీ వినాయక మండపాలలో కొలువైన గణపతులకు భక్తులు పెద్ద సంఖ్యలో హాజరై ప్రత్యేకంగా వినాయక చవితి పూజలు నిర్వహించారు.మండలంలోని రెబ్బెన, నవేగం కొండపల్లి,తుంగెడ వంకులం,పులికుంట, గోలేటి, నంబాల, నారాయణపూర్ తదితర గ్రామాలలో భక్తులు పెద్ద ఎత్తున స్వామిని దర్శించుకున్నారు. గోలేటి లోని అంబేడ్కర్ సెంటర్లో ఏర్పాటుచేసిన వినాయకుని ప్రతిమ పలువురిని అలరించింది.

రెబ్బెన మండలంలోని పారిశ్రామిక ప్రాంతమైన గోలేటి టౌన్షిప్ లో బుధవారం వినాయక చవితి కులాహలం మొదలైంది. ఈ సందర్భంగా పలువురు వ్యాపారులు అందమైన పూలు, పత్రి, మారేడు కాయలు, వెదురు కొమ్మలు, దోసకాయలు తదితర పూజా సామాగ్రి దుకాణాలు పెట్టారు. ముఖ్యంగా మట్టి గణపతుల విగ్రహాలు ఆకట్టుకోవడంతో పలువురు భక్తులు వాటిని కొనుగోలు చేసి ఇండ్లకు తీసుకెళ్తున్నారు. అదేవిధంగా ప్రతి వాడలో గణపతి మండపాలను అందంగా అలంకరిస్తున్నారు.

ఆసిఫాబాద్ జిల్లా రెబ్బెన మండలాన్ని ముసురువాహనలు వీడటం లేదు మంగళవారం నుంచి బుధవారం ఉదయం వరకు కూడా మండలంలో ముసురు వాన కురుస్తూనే ఉంది. గోలేటి పులి కుంట నంబాల కైరిగూడ గంగాపూర్ నారాయణపూర్ కిష్టాపూర్ గ్రామాల్లో ముసురు వాన నిరంతరంగా పడుతూనే ఉంది బుధవారం నిర్వహించుకోవాల్సిన వినాయక చవితి మండపాల ముస్తాబుకు ఈ వాన ఎంతో ఆటంకం కలిగించింది. బుధవారం ఉదయం సుమారు 9 గంటలకు ఆకాశం మేఘవృతమై అరగంట పాటు భారీ వర్షం కురిసింది.

బుధవారం జరుపుకోనున్న వినాయక చవితి పండగను పురస్కరించుకొని వినాయకులను ప్రతిష్టించడానికి కొమురం భీం ఆసిఫాబాద్ జిల్లాలో మండపాలను ముస్తాబు చేస్తున్నారు. పలుచోట్ల ఆర్థిక స్తోమత కలిగిన ఉత్సవ కమిటీలు వేలాది రూపాయలు వెచ్చిస్తుండగా మరికొన్ని చోట్ల స్తోమతను బట్టి మండపాలను సిద్ధం చేస్తున్నారు. ముఖ్యంగా మండపాలను అరటి బోదెలు, కొబ్బరి ఆకులు, పుష్పాలతో మండపాలను అలంకరిస్తున్నారు అదేవిధంగా రాత్రిపూట వెలుగులు విరజిమ్మే విధంగా రంగురంగుల విద్యుత్ బుగ్గలను అమరుస్తున్నారు.

రెబ్బెన మండలం గోలేటి గ్రామపంచాయతీ పరిధిలోని మానేపల్లి కుంట పూర్తిగా నుండి మత్తడి దుంపడంతో రైతులు హర్షం వ్యక్తం చేస్తున్నారు ఇటీవల కురిసిన భారీ వర్షాలకు మానేపల్లి కుంట పూర్తిగా నిండి రైతులకు వరంగా మారింది ఈ కుంట కింద వందలాది ఎకరాల వారి పొలాలు ఉన్నాయి. ఇప్పటికే ఈ కుంట కింది రైతులు కొంతమంది వరి నాట్లు పూర్తి చేసుకోగా మిగిలిన రైతులు నాట్లు వేసుకోవడానికి సిద్ధమవుతున్నారు

రాన్రాను పశు సంపద క్షీనిస్తున్నదని, దీంతో వాతావరణ సమతుల్యమ్ దెబ్బ తింటుందని పర్యావరణ ప్రేమికులు ఎంత మొత్తుకున్నా లాభంలేకుండా పోతుంది.రెబ్బెన మండల కేంద్రంతోపాటు గోలేటి GP లో కొంతమంది యజమానులు తమ పశువుల్ని గాలికి వదిలేస్తున్నారు.వాటిని విక్రయంచి డబ్బులు పొందుతున్నవారు వాటి బాగోగుల గురించి మాత్రం పట్టించుకోవడం లేదు. పగలు రాత్రి వీదుల్లో సంచరిస్తూ ప్రజలకు ఇబ్బంది కలిగిస్తున్నాయి. రెబ్బెన జాతీయ రహదారి, గోలేటి ప్రధాన రోడ్డుపైన తిరుగుతూ వాహనాల రాక పోకలకు ఆటంకం కలిగించడంతోపాటు ప్రమాదాలకు గురవుతున్నాయి

సింగరేణి సంస్థకు వచ్చిన లాభాలను వెంటనే ప్రకటించి కార్మికులకు 40 శాతం లాభాల వాటా చెల్లించాలని డిమాండ్ చేస్తూ ఏఐటీయూసీ ఆధ్వర్యంలో శనివారం గోలేటిలోని జిఎం కార్యాలయం ముందు ధర్నా చేశారు. ఈ సందర్భంగా ఏఐటియుసి బెల్లంపల్లి రీజియన్ అధ్యక్షులు బోగే ఉపేందర్ మాట్లాడుతూ సంస్థకు లాభాలు రావడంలో ట్రాన్స్పోర్ట్ కార్మికులు ఎంతో శ్రమిస్తున్నారని సింగరేణి కార్మికులతో పాటు వారికి కూడా 40 శాతం లాభాల వాటా చెల్లించాలన్నారు. కార్మికులకు ఈఎస్ఐ, పిఎఫ్ సౌకర్యం కల్పించాలని డిమాండ్ చేశారు.

పారిశ్రామిక ప్రాంతమైన గోలేటిలో నిర్వహిస్తున్న రాష్ట్రస్థాయి పురుషులు, మహిళల బాల్ బ్యాడ్మింటన్ పోటీల ప్రారంభోత్సవం సందర్భంగా పలువురు విద్యార్థులు ప్రదర్శించిన సాంస్కృతిక కార్యక్రమాలు అలరించాయి. భరతనాట్యం, గ్రూప్ డాన్సులతో విద్యార్థులు ఉర్రూతలూగించారు. సాంస్కృతిక కార్యక్రమాలలో ప్రతిభను కనబరిచిన విద్యార్థులను ఆసిఫాబాద్ ఎమ్మెల్యే కోవా లక్ష్మి, బి బి ఏ జిల్లా అధ్యక్షులు కొత్తపల్లి శ్రీనివాస్, బెల్లంపల్లి ఏరియా జిఎం, లయన్స్ క్లబ్ గవర్నర్ ఆర్ నారాయణ రెడ్డి, పలువురు క్రీడాకారులు అభినందించారు.

రెబ్బెన మండలం బులెట్ టౌన్షిప్ లో శనివారం ప్రారంభమైన 71వ రాష్ట్రస్థాయి పురుషులు మహిళల బాల్ బ్యాడ్మింటన్ క్రీడలు రెండవ రోజు ఉత్సాహంగా కొనసాగుతున్నాయి. ఈ సందర్భంగా ఆదిలాబాద్ నిజామాబాద్ జట్ల క్రీడాకారులను బెల్లంపల్లి ఏరియా డీజీఎం సివిల్ భాష, ఎస్ ఓ టు జి ఎం రాయమల్లు తదితర అధికారులు పరిచయం చేసుకున్నారు ఈ కార్యక్రమంలో బాల్ బాడ్మింటన్ అసోసియేషన్ రాష్ట్ర, జిల్లా బాధ్యులు ఆర్ నారాయణ రెడ్డి, ఎస్ తిరుపతి, కే భాస్కర్ తదితరులు పాల్గొన్నారు.

క్రీడాకారులు క్రమశిక్షణ పాటిస్తూ స్వయంకృషితో అభివృద్ధి చెందాలని సిర్పూర్ ఎమ్మెల్యే పాల్వాయి హరీష్ బాబు అన్నారు ఆదివారం గోలేటి లో జరిగిన 71వ బాల్ బ్యాడ్మింటన్ పోటీల బహుమతి ప్రధానోత్సవ సభలో ఆయన ముఖ్యఅతిథిగా పాల్గొని ప్రసంగించారు పురుషుల్లో విజేతలుగా నిలిచిన వరంగల్ జట్టుకు మహిళల్లో ఛాంపియన్గా నిలిచిన ఆదిలాబాద్ జట్టుకు బహుమతులు అందజేశారు ఈ కార్యక్రమంలో బి బి ఏ జిల్లా అధ్యక్షులు డాక్టర్ కొత్తపల్లి శ్రీనివాస్ ప్రధాన కార్యదర్శి ఎస్ తిరుపతి విజయభాస్కర్ రెడ్డి పలువురు క్రీడా సంఘాల నాయకులు పాల్గొన్నారు

ఆసిఫాబాద్ జిల్లాలో పొలాల అమావాస్య పండగను శనివారం రాత్రి అత్యంత భక్తిశ్రద్ధలతో జరుపుకున్న ప్రజలు ఆదివారం అదే ఉత్సాహంతో బడగ పండగ కూడా జరుపుకుంటున్నారు. శనివారం ఎద్దులను అలంకరించి మాంసాహారం ముట్టకుండా నియమనిష్టలతో పూజలు చేసిన ప్రజలు ఆదివారం విందు భోజనాలకు సిద్ధమవుతున్నారు. ముఖ్యంగా రైతు కుటుంబాల వారు మందు, విందులతో పండగ జరుపుకుంటున్నారు దీంతో జిల్లాలోని మటన్, చికెన్, చాపల దుకాణాలు కిక్కిరిసిపోతున్నాయి జిల్లాలో రైతు కుటుంబాల వారు పరస్పరం పండగ శుభాకాంక్షలు తెలుపుకుంటున్నారు.