फगवाड़ा NH ढाबे पर चोरी कर पकड़ाया युवक, पहली बार कबूला

ਫਗਵਾੜਾ: ਐਨਐਚ ਢਾਬੇ ‘ਤੇ ਚੋਰੀ ਕਰਦਾ ਚੋਰ ਰੰਗੇ ਹੱਥੀਂ ਕਾਬੂ, ਪਹਿਲੀ ਵਾਰਦਾਤ ਵੀ ਕਬੂਲੀ ਕਪੂਰਥਲਾ : ਫਗਵਾੜਾ ਸ਼ਹਿਰ ਵਿੱਚ ਸਥਿਤ ਐਨਐਚ ਢਾਬੇ ‘ਤੇ ਅੱਜ ਚੋਰੀ ਦੀ ਕੋਸ਼ਿਸ਼ ਕਰਦਾ ਇੱਕ ਨੌਜਵਾਨ ਰੰਗੇ ਹੱਥੀਂ ਫੜਿਆ ਗਿਆ। ਢਾਬੇ ਦੇ ਮਾਲਕ ਪਵਨ ਗੋਇਲ ਨੇ ਦੱਸਿਆ ਕਿ ਨੌਜਵਾਨ ਪਿੱਛੇ ਵਾਲੀ ਕੰਧ ਟੱਪ ਕੇ ਢਾਬੇ ਅੰਦਰ ਦਾਖਲ ਹੋਇਆ ਸੀ। ਅੰਦਰ ਸਮਾਨ ਨਾਲ ਛੇੜਛਾੜ ਦੌਰਾਨ ਘਰ ਵਿੱਚ ਪਾਲਿਆ ਕੁੱਤਾ ਭੌਂਕਣ ਲੱਗ ਪਿਆ, ਜਿਸ ‘ਤੇ ਸ਼ੱਕ ਹੋਣ ਕਾਰਨ ਸੀਸੀਟੀਵੀ ਕੈਮਰੇ ਚੈੱਕ ਕੀਤੇ ਗਏ। ਕੈਮਰਿਆਂ ਵਿੱਚ ਚੋਰ ਦੀ ਹਰਕਤ ਦੇਖ ਕੇ ਢਾਬਾ ਮਾਲਕ ਤੁਰੰਤ ਹੇਠਾਂ ਆਇਆ ਅਤੇ ਨੌਜਵਾਨ ਨੂੰ ਰੰਗੇ ਹੱਥੀਂ ਕਾਬੂ ਕਰ ਲਿਆ। ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਇਹੀ ਨੌਜਵਾਨ ਇੱਕ ਹਫ਼ਤਾ ਪਹਿਲਾਂ ਵੀ ਢਾਬੇ ‘ਚ ਚੋਰੀ ਕਰ ਚੁੱਕਾ ਸੀ, ਜਿਸ ਦੌਰਾਨ ਉਹ ਕਰੀਬ 5 ਹਜ਼ਾਰ ਰੁਪਏ ਨਗਦ, ਇੱਕ ਸੋਨੇ ਦਾ ਕੜਾ ਅਤੇ ਹੋਰ ਸਮਾਨ ਲੈ ਕੇ ਫਰਾਰ ਹੋ ਗਿਆ ਸੀ। ਢਾਬਾ ਮਾਲਕ ਮੁਤਾਬਕ ਉਕਤ ਨੌਜਵਾਨ ਪਹਿਲਾਂ ਉਨ੍ਹਾਂ ਦੇ ਢਾਬੇ ‘ਤੇ ਮਜ਼ਦੂਰੀ ਕਰਦਾ ਸੀ ਅਤੇ ਅੰਦਰੂਨੀ ਜਾਣਕਾਰੀ ਹੋਣ ਕਾਰਨ ਉਸਨੇ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਫੜੇ ਜਾਣ ‘ਤੇ ਉਸਨੇ ਪਹਿਲੀ ਚੋਰੀ ਵੀ ਕਬੂਲ ਕਰ ਲਈ। ਉਧਰ, ਕੈਮਰਿਆਂ ਸਾਹਮਣੇ ਚੋਰ ਨੇ ਦੱਸਿਆ ਕਿ ਪਹਿਲਾਂ ਚੋਰੀ ਕੀਤਾ ਸੋਨੇ ਦਾ ਕੜਾ ਉਸਨੇ ਗੋਬਿੰਦਪੁਰੇ ਸਥਿਤ ਇੱਕ ਡਾਕਟਰ ਨੂੰ ਵੇਚ ਦਿੱਤਾ ਸੀ। ਉਸਦਾ ਕਹਿਣਾ ਸੀ ਕਿ ਕੰਮ ਨਾ ਮਿਲਣ ਕਾਰਨ ਉਹ ਇਸ ਤਰ੍ਹਾਂ ਦੀਆਂ ਵਾਰਦਾਤਾਂ ਕਰ ਰਿਹਾ ਸੀ। ਸੂਚਨਾ ਮਿਲਣ ‘ਤੇ ਮੌਕੇ ‘ਤੇ ਪਹੁੰਚੀ ਪੁਲਿਸ ਨੇ ਨੌਜਵਾਨ ਨੂੰ ਹਿਰਾਸਤ ਵਿੱਚ ਲੈ ਕੇ ਅਗਲੀ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਦੱਸਣਯੋਗ ਹੈ ਕਿ ਫਗਵਾੜਾ ਸ਼ਹਿਰ ਵਿੱਚ ਵਧ ਰਹੀਆਂ ਚੋਰੀ ਦੀਆਂ ਘਟਨਾਵਾਂ ਕਾਰਨ ਲੋਕਾਂ ਵਿੱਚ ਰੋਸ ਪਾਇਆ ਜਾ ਰਿਹਾ ਹੈ ਅਤੇ ਪੁਲਿਸ ਪ੍ਰਸ਼ਾਸਨ ਤੋਂ ਚੋਰਾਂ ਖਿਲਾਫ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਜਾ ਰਹੀ ਹੈ。