ਕਰੀਬ 18 ਸਾਲ ਪੁਰਾਣੇ ਬਹੁ ਚਰਚਿਤ ਮੋਗਾ ਪਾਸਪੋਰਟ ਸਕੈਂਡਲ ਮਾਮਲੇ ਵਿੱਚ ਮਾਨਯੋਗ ਅਦਾਲਤ ਵੱਲੋਂ ਸਜ਼ਾ ਖਿਲਾਫ ਪਾਈ ਅਪੀਲ ਕੀਤੀ ਰੱਦ । ਹੇਠਲੀ ਅਦਾਲਤ ਵੱਲੋਂ ਦੋਸ਼ੀ ਕਰਾਰ ਦਿੱਤੇ ਤਿੰਨ ਪੁਲਿਸ ਮੁਲਾਜ਼ਮਾਂ ਸਮੇਤ ਸਥਾਨਕ ਦੋ ਟਰੈਵਲ ਏਜੰਟਾਂ ਦੀ ਸਜ਼ਾ ਖਿਲਾਫ ਅਪੀਲ ਹੋਈ ਰੱਦ । ਓਥੇ ਹੀ ਚੰਡੀਗੜ੍ਹ ਦੇ ਕਰੀਬ 13 ਟਰੈਵਲ ਏਜੰਸੀ ਸੰਚਾਲਕਾਂ ਨੂੰ ਰਾਹਤ । ਜਾਅਲੀ ਦਸਤਾਵੇਜਾਂ ਤੇ ਬਣੇ ਸਨ 395 ਪਾਸਪੋਰਟ । ਚੰਡੀਗੜ੍ਹ ਖੇਤਰੀ ਪਾਸਪੋਰਟ ਦਫਤਰ ਦੇ ਤਤਕਾਲੀ ਸੁਪਰਡੈਂਟ ਦੀਦਾਰ ਸਿੰਘ, ਪੋਸਟਮੈਨ ਰਣਜੀਤ ਸਿੰਘ , ਸਥਾਨਕ ਸਿਵਲ ਸਰਜਨ ਦਫਤਰ ਦੇ ਜਨਮ ਮੌਤ ਸ਼ਾਖਾ ਦੇ ਤਤਕਾਲੀ ਕਲਰਕ ਬਲਵਿੰਦਰ ਸਿੰਘ ਵੱਲੋਂ ਸਜ਼ਾ ਖਿਲਾਫ ਦਾਇਰ ਅਪੀਲ ਉੱਤੇ ਅਗਲੀ ਸੁਣਵਾਈ 16 ਫਰਵਰੀ ਨੂੰ। ਦੱਸ ਦਈਏ ਕਿ ਸਥਾਨਕ ਤਤਕਾਲੀ ਚੀਫ ਜੁਡੀਸ਼ਅਲ ਮਜਿਸਟਰੇਟ ਡਿਪਟੀ ਗੁਪਤਾ ਦੀ ਅਦਾਲਤ ਨੇ 21 ਫਰਵਰੀ 2018 ਨੂੰ ਇਸ ਮਾਮਲੇ ਵਿੱਚ ਚੰਡੀਗੜ੍ਹ ਦੀ ਮਹਿਲਾ ਏਜੰਟ ਸਣੇ ਕਰੀਬ 14 ਟਰੈਵਲ ਏਜੰਸੀ ਸੰਚਾਲਕਾਂ ,ਪੁਲਿਸ ਮੁਲਾਜ਼ਮਾਂ, ਚੰਡੀਗੜ੍ਹ ਖੇਤਰੀ ਪਾਸਪੋਰਟ ਦਫਤਰ ਦੇ ਸੁਪਰਡੈਂਟ , ਸਥਾਨਕ ਜਨਮ ਮੌਤ ਸ਼ਾਖਾ ਕਲਰਕ ਅਤੇ ਪੋਸਟਮੈਨ ਨੂੰ ਦੋਸ਼ੀ ਕਰਾਰ ਦਿੰਦੇ ਹੋਏ ਤਿੰਨ ਸਾਲ ਦੀ ਕੈਦ ਅਤੇ ਜੁਰਮਾਨਾ ਲਗਾਇਆ ਸੀ ।