ਚੇਤ ਦੇ ਨਰਾਤਿਆਂ ਦਾ ਅੱਜ ਤੀਸਰਾ ਦਿਨ ਹੈ। ਅੱਜ ਮਾਂ ਦੁਰਗਾ ਜੀ ਦੇ ਤੀਜੇ ਸਰੂਪ ਮਾਂ ਚੰਦਰਘੰਟਾ ਜੀ ਦੀ ਪੂਜਾ ਅਰਾਚਨਾ ਭਗਤਾਂ ਵੱਲੋਂ ਸ਼ਰਧਾ ਨਾਲ ਕੀਤੀ ਜਾਂਦੀ ਹੈ。 ਤੀਜੇ ਨਰਾਤੇ ਦੇ ਮੌਕੇ ‘ਤੇ ਜੀ ਮੀਡੀਆ ਦੀ ਟੀਮ ਅੱਜ ਅੰਮ੍ਰਿਤਸਰ ਦੇ ਪ੍ਰਾਚੀਨ ਅਤੇ ਇਤਿਹਾਸਕ ਮੰਦਰ ਮਾਂ ਸੀਤਲਾ ਮਾਤਾ ਮੰਦਰ ਵਿਖੇ ਪਹੁੰਚੀ। ਮੰਦਰ ਵਿੱਚ ਭਗਤਾਂ ਦੀ ਕਾਫੀ ਰੌਣਕ ਵੇਖਣਾ ਨੂੰ ਮਿਲੀ। ਅੰਮ੍ਰਿਤਸਰ ਅਤੇ ਆਸ-ਪਾਸ ਦੇ ਇਲਾਕਿਆਂ ਤੋਂ ਵੱਡੀ ਗਿਣਤੀ ਵਿੱਚ ਭਗਤ ਮੰਦਰ ਪਹੁੰਚੇ ਹੋਏ ਸਨ ਅਤੇ ਮਾਂ ਦਾ ਆਸ਼ੀਰਵਾਦ ਲੈਂਦੇ ਨਜ਼ਰ ਆਏ。 ਮੰਦਰ ਦੇ ਪੁਜਾਰੀ ਨੇ ਸਾਡੇ ਨਾਲ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਅੱਜ ਚੇਤ ਦੇ ਨਰਾਤਿਆਂ ਦਾ ਤੀਜਾ ਦਿਨ ਹੈ ਅਤੇ ਇਸ ਦਿਨ ਮਾਂ ਚੰਦਰਘੰਟਾ ਜੀ ਦੀ ਪੂਜਾ ਕੀਤੀ ਜਾਂਦੀ ਹੈ। ਉਹਨਾਂ ਨੇ ਦੱਸਿਆ ਕਿ ਮਾਂ ਚੰਦਰਘੰਟਾ ਜੀ ਨੂੰ ਇਹ ਨਾਮ ਇਸ ਲਈ ਮਿਲਿਆ ਕਿਉਂਕਿ ਉਹਨਾਂ ਦੇ ਮੱਥੇ ‘ਤੇ ਚੰਦਰਮਾ ਵਰਗਾ ਅਰਧਚੰਦਰ ਨਿਸ਼ਾਨ ਹੁੰਦਾ ਹੈ, ਜੋ ਚਮਕਦਾ ਰਹਿੰਦਾ ਹੈ। ਮਾਂ ਚੰਦਰਘੰਟਾ ਜੀ ਨੂੰ ਵੀਰਤਾ ਅਤੇ ਜਿੱਤ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ। ਉਹਨਾਂ ਨੇ ਇਹ ਵੀ ਕਿਹਾ ਕਿ ਜੋ ਭਗਤ ਸੱਚੇ ਮਨ ਨਾਲ ਮਾਤਾ ਦੀ ਪੂਜਾ ਕਰਦਾ ਹੈ, ਮਾਂ ਉਸ ਦੀ ਹਰ ਮਨੋਕਾਮਨਾ ਪੂਰੀ ਕਰਦੀ ਹੈ। ਮੰਦਰ ਦੇ ਪੁਜਾਰੀ ਨੇ ਦੱਸਿਆ ਕਿ ਮਾਂ ਸੀਤਲਾ ਮਾਤਾ ਮੰਦਰ ਦਾ ਇਤਿਹਾਸ ਕਾਫੀ ਪ੍ਰਾਚੀਨ ਹੈ। ਲਗਭਗ 750 ਸਾਲ ਪੁਰਾਣਾ ਇਹ ਮੰਦਰ ਹੈ ਅਤੇ ਮੰਨਤਾ ਹੈ ਕਿ ਇੱਥੇ ਮਾਤਾ ਸੀਤਲਾ ਜੀ ਖੁਦ ਪ੍ਰਗਟ ਹੋਏ ਸਨ。 — ਪੰਡਿਟ ਨਰੇਸ਼, ਪੁਜਾਰੀ ਮਾਂ ਸੀਤਲਾ ਮਾਤਾ ਮੰਦਰ, ਅੰਮ੍ਰਿਤਸਰ