"ଦଳରେ ଏକତା ହିଁ କଂଗ୍ରେସ କୁ ଜିତାଇ ପାରିବ" ଡ.ପଲକ୍ ବର୍ମା

"ଦଳରେ ଏକତା ହିଁ କଂଗ୍ରେସ ଦଳକୁ ରାଉରକେଲାରେ ଜିତାଇ ପାରିବ"। ଦୀର୍ଘ ୮ଦିନ ଧରି ସଂଗଠନ ସୃଜନ କାର୍ଯ୍ୟକ୍ରମ ରେ ଯୋଗ ଦେବା ପରେ ରାଉରକେଲା ଜିଲ୍ଲା କଂଗ୍ରେସ ବାବଦରେ ଏଭଳି ଟିପ୍ପଣୀ ଦେଇଛନ୍ତି ଅଲ୍ ଇଣ୍ଡିଆ କଂଗ୍ରେସ କମିଟି ପର୍ଯ୍ୟବେକ୍ଷକ ଡ.ପଲକ୍ ବର୍ମା।ଜିଲ୍ଲା ସଭାପତି ଚୟନ ପାଇଁ ଆୟୋଜିତ ହୋଇଥିବା ଏହି କାର୍ଯ୍ୟକ୍ରମ ପରେ,ରାଉରକେଲା ଜିଲ୍ଲା କଂଗ୍ରେସ ଖୁବଶିଘ୍ର ଜଣେ ସ୍ଥାୟୀ ସଭାପତି ପାଇବ ବୋଲି ଆଶା କରାଯାଉଛି।ତେବେ ମାତ୍ର ଆଠ ଦିନରେ ଜିଲ୍ଲାରେ ଥିବା ଦଳୀୟ କନ୍ଦଳ ବାବଦରେ ପର୍ଯ୍ୟବେକ୍ଷକ ଙ୍କ ସ୍ପଷ୍ଟ ମତ ପରେ ନୂତନ ନିଯୁକ୍ତ ହେବାକୁ ଥିବା ଜିଲ୍ଲା ସଭାପତି ଙ୍କ ଭୂମିକା ଏବେ ବେଶ୍ ଗୁରୁତ୍ବପୂର୍ଣ୍ଣ।