चंद्रपुर मोरवा से मुख्यमंत्री समृद्ध पंचायत राज अभियान की शुरुआत

Feed slug :--- 1709ZT_CHP_SEVA_ABHIYAN ( single file sent on 2C)  टायटल:-- चंद्रपुरात मोरवा गावातून मुख्यमंत्री समृद्ध पंचायत राज योजनेचा प्रारंभ, पालकमंत्री डॉ. अशोक उईके यांची उपस्थिती, या सेवा पंधरवड्यात गावाचा विकास करण्याचा संकल्प घेण्याचे केले आवाहन      अँकर:--चंद्रपुरात मोरवा गावातून मुख्यमंत्री समृद्ध पंचायत राज योजनेचा प्रारंभ करण्यात आला. जिल्ह्याचे पालकमंत्री डॉ. अशोक उईके यांची याप्रसंगी उपस्थिती होती. या सेवा पंधरवड्यात गावाचा विकास करण्याचा संकल्प घेण्याचे आवाहन त्यांनी याप्रसंगी केले. ग्रामीण भागातील स्थानिक स्वराज्य संस्थांची कार्यक्षमता वाढविण्यासाठी व उत्कृष्ट कामगिरीस प्रोत्साहन देण्यासाठी राज्य शासनाने “मुख्यमंत्री समृद्ध पंचायतराज अभियान” या पुरस्कार योजनेस मान्यता दिली आहे.  यंदा हे अभियान तालुका, जिल्हा, महसूल विभाग व राज्य अशा चार स्तरांवर राबविण्यात येणार आहे. या अभियानाचा मुख्य उद्देश गावा-गावात विकासाची निकोप स्पर्धा निर्माण करणे, सुशासन प्रस्थापित करणे व गावांना आत्मनिर्भरतेकडे नेणे हा आहे. ग्रामपंचायतींच्या मूल्यमापनात लोकसहभाग, पारदर्शक प्रशासन, जलसमृद्धी, स्वच्छता, शिक्षण, महिला सुरक्षेसाठी सीसीटीव्ही बसविणे, डिजिटल सेवा, कर आणि पाणीपट्टीची 100 टक्के वसुली, मतदार नागरिकांचे ऍप, आयुष्यमान भारत कार्ड व विविध शासकीय योजनांची अंमलबजावणी यांचा समावेश असेल. उत्कृष्ट कामगिरी करणाऱ्या ग्रामपंचायतींना आकर्षक प्रोत्साहनपर निधी देण्यात येणार आहे. तालुकास्तरावर प्रथम तीन क्रमांकांना 15 लाख, 12 लाख व 8 लाख, जिल्हास्तरावर 50 लाख, 30 लाख व 20 लाख, विभागस्तरावर 1 कोटी, 80 लाख, 60 लाख व राज्यस्तरावर 5 कोटी, 3 कोटी व  2 कोटी रुपये अशी बक्षिसे निश्चित करण्यात आली आहेत. 17 सप्टेंबर रोजी ग्रामसभेचे आयोजन करण्यात आले आहे. ग्रामपंचायती सक्षम करणे, तळागाळापर्यंत योजनांची पोहोच वाढविणे आणि नाविन्यपूर्ण उपक्रमांना चालना देणे या उद्दिष्ट्यांनी या अभियानाचे गुणांकन केले जाणार आहे.  बाईट १) प्रा. डॉ. अशोक उईके, पालकमंत्री, चंद्रपूर आशीष अम्बाडे झी मीडिया चंद्रपूर