वर्ध्यात सापांची तस्करी: चौघांना अटक, 13 विषारी साप जप्त!

बदलापूरच्या गोळीबारात शिवसेनेच्या जगदीश कुडेकरांचं नाव! जगदीश कुडेकरने कट रचला - जखमी अल्ताफ शेखचा आरोप पोलिसांकडे तक्रार करूनही कारवाई न केल्याचाही आरोप Bdl firing update Anchor : बदलापुरातील गोळीबार प्रकरणाला आता वेगळं वळण लागलं असून या गोळीबारामागे शिवसेनेच्या शिंदे गटाच्या जगदीश कुडेकर यांचा हात असल्याचा आरोप जखमी अल्ताफ शेखने केलाय. तसंच जगदीश कुडेकर यांच्यावर गुन्हा दाखल करून मला न्याय मिळवून देण्याची मागणी अल्ताफने केली आहे. Vo : गोळीबार होण्यापूर्वी शनिवार आणि मंगळवारी दोन वेळा माझं दुकान जाळण्यात आलं होतं. यानंतर जगदीश कुडेकरने मला जीवे मारण्याची धमकी दिली होती. याबाबत मी पोलिसांकडे तक्रार करूनही पोलिसांनी कारवाई केली नाही, आणि अखेर माझ्यावर जगदीश कुडेकरच्या माणसांनी गोळीबार केला, असा आरोप अल्ताफ शेखने केला आहे. याप्रकरणी जगदीश कुडेकर याच्यावर गुन्हा दाखल करून मला न्याय मिळवून द्यावा, अशी मागणी अल्ताफ शेखने केली आहे. याबाबत जगदीश कुडेकर यांनी मात्र अद्याप काहीही प्रतिक्रिया दिलेली नाही. Byte : अल्ताफ शेख, जखमी चंद्रशेखर भुयार ,बदलापूर

आयटी पार्क हिंजवडीत मेट्रोची पहिली चाचणी यशस्वी. pimpri metro kailas puri Pune 4-7-25 feed by 2c Anchor - आयटीयंस साठी आनंदाची बातमी आहे. बहुप्रतिक्षित असणाऱ्या हिंजवडी ते शिवाजीनगर मेट्रोची पहिली चाचणी आज यशस्वीरित्या पार पडलेली आहे. या चाचणीची दृश्य . फेज तीन मधील माण गावापासून ते पहिल्या चार स्टेशनपर्यंत ही चाचणी पार पडली. म्हणजे अंदाजे पाच किलोमीटर टप्यापर्यंत ही चाचणी झाली. 23 किलोमीटरच्या या मार्गावर इथून पुढं रोज अशी चाचणी घेतली जाईल. प्रत्यक्षात प्रवासाला मात्र 2026 पर्यंतची वाट पहावी लागणार आहे. त्यावेळी आयटीयंसना याचा मेट्रो सेवेचा लाभ घेता येईल.

JAVEDMULANI SLUG 0407ZT_DAUNDBODY FILE 1 भुलेश्वर घाटात आढळला अर्धवट जळलेल्या अवस्थेत अनोळखी पुरुषाचा मृतदेह....उडाली एकच खळबळ.... मृत व्यक्तीच्या डोक्यात छातीवर आणि पाठीवर अन धारदार शास्त्राचे वार..... (*आवश्यकतेप्रमाणे बॉडी ब्लर करावी*) Anchor_ दौंड तालुक्याच्या भुलेश्वर घाटात अर्धवट जळलेल्या अवस्थेत अनोळखी पुरुषाचा मृतदेह आढळून आल्याने एकच खळबळ उडाली आहे. २७ जून रोजी यवत पोलीस स्टेशन हद्दीत भुलेश्वर घाट परिसरात हा मृतदेह आढळून आला आहे. या मृत इसमाच्या डोक्यावर, छातीवर व पाठीवर धारदार आणि तीव्र हत्याराने वार झाल्याचे यवत पोलिसांनी सांगितले आहे. अंदाजे ३० ते ३५ वर्षे वयाचा पुरुषाचा हा मृतदेह असून यवत-भुलेश्वर रोडपासून सुमारे १०० मीटर अंतरावर, शेरू रिसॉर्टकडे जाणार-या कच्च्या रस्त्याजवळ हा मृतदेह आढळून आला, याची माहिती मिळताच यवत पोलिसांनी घटनास्थळी जाऊन पाहणी केली आहे. सहाय्यक पोलीस निरीक्षक महेश माने यांनी दिलेल्या माहितीनुसार सदरच्या मृत व्यक्तीच्या डोक्यावर छातीवर व पाठीवर धारदार शस्त्राने वार करण्यात आले आहेत याशिवाय हा मृतदेह पेटवून देऊन पुरावा नष्ट करण्याचा प्रयत्न करण्यात आला आहे. मृत व्यक्तीची ओळख अद्याप पटलेली नसून यवत पोलीस अधिक तपास करत आहेत.

04072025 Slug - PPR_GOLD_DRESS feed on 2c file 03 ----- Anchor - आषाढी एकादशीच्या दिवशी विठ्ठलास सुवर्ण नक्षीकाम असलेला पोशाख होणार परिधान सोलापूरच्या तिवारी कुटुंबाने 9 तोळे सोने नक्षीकाम असलेला सुंदर पोशाख विठोबाला भेट दिला आहे. हाच सुवर्ण पोशाख आषाढी एकादशी दिवशी परिधान केला जाणार आहे. देवाचा अंगरखा देवाचा शेला यावर सुंदर नक्षीकाम केले आहे. रुक्मिणी मातेसाठी सुवर्ण ठुशी , बाजूबंद सुद्धा दिले आहेत.पहिल्यांदाच असा पोशाख एकादशीच्या मुहूर्तावर एका भाविकाने देवाला भेट म्हणून दिला आहे.

रिपोर्टर:- लैलेश बारगजे स्लग:- मनसे ऑन एकनाथ शिंदे फीड 2C अँकर:- पुण्यातील केंद्रीय गृहमंत्री अमित शहा यांच्या कार्यक्रमांमध्ये राज्याचे उपमुख्यमंत्री एकनाथ शिंदे यांनी भाषणाच्या शेवटी जय हिंद जय महाराष्ट्र जय गुजरात असा उल्लेख केल्याने नव्या वादाला तोंड फुटले आहे. उपमुख्यमंत्री एकनाथ शिंदे यांच्या जय गुजरात उल्लेखावरून विरोधकांनी शिंदेंवर प्रहार करण्यास सुरुवात केली आहे. केंद्रीय गृहमंत्री अमित शहा यांच्या उपस्थितीत जयराज स्पोर्ट्स अँड कन्व्हेन्शन सेंटरच्या उद्घाटन समारंभात मुख्यमंत्री एकनाथ शिंदे यांनी भाषणाच्या शेवटी जय गुजरात चा उल्लेख केला आहे. यावर अहिल्यानगर महाराष्ट्र नवनिर्माण महिला सेनेच्या जिल्हाप्रमुख अनिता दिघे यांनी टीका केली असून तुम्ही बाळासाहेबांचे कट्टर शिवसैनिक म्हणवता शिवसेनेचे चिन्ह देखील तुम्ही घेतला आहे मग तुमच्या जय गुजरात चा नेमका अर्थ काय?, तुमच्यावर नेमका कोणाचा दबाव आहे असा सवाल उपस्थित केला आहे. बाईट:- अनिता दिघे, महिला जिल्हाप्रमुख, महाराष्ट्र नवनिर्माण सेना

स्‍लग – सांडपाणी वाहिनी फुटल्‍याने शेतात केमीकलयुक्‍त पाणी ........ शेतजमीन नापिक झाल्‍याने शेतकरयांवर संकट ......... अँकर - रोहा तालुक्यातील खारगाव येथील शेतकऱ्याच्या शेतजमिनीत एमआयडीसी दूषित पाणी शिरल्याने शेती नापीक झाले असून आता पिकवायचं काय आणि खायचं काय हा प्रश्न शेतकऱ्याला पडला आहे धाटाव एमआयडीसीतील दूषित सांडपाण्‍याची वाहिनी खारगाव येथील भारती मळेकर आणि पंकज मळेकर यांच्‍या शेतातून जाते यंदा शेतीची मशागत करून लावणीच्या कामाची लगबग सुरू असताना त्यांच्या शेतात दूषित पाण्याची पाईपलाईन फुटून केमिकलयुक्त पाणी शेतात पसरल्‍याने शेतजमीन नापिक झाली आहे. दरवर्षी हा प्रकार सुरू असून संबंधित शेतकरी यांनी वारंवार एमआयडीसी अधिकारी यांच्याशी संपर्क साधत शेतीचे नुकसान होत असल्याची पूर्वकल्पना दिली होती परंतु अधिकारी नेहमीच दुर्लक्ष करत असल्‍याची त्‍यांची तक्रार आहे. आपबिती सांगताना शेतकरी मुलांच्‍या डोळ्यात अश्रू तरळले. बाईट - शेतकरी

TUSHAR TAPASE 4 FILES SLUG NAME -SAT_RAJE_PAWAR सातारा – माजी सहकार मंत्री बाळासाहेब पाटील यांच्या चिरंजीवाच्या लग्न समारंभात भाजप खासदार छत्रपती उदयनराजे भोसले आणि राष्ट्रवादीचे नेते शरद पवार यांची अनौपचारिक भेट झाली. यावेळी छ. उदयनराजेंनी शरद पवार यांचे स्वागत केले. कार्यक्रमात उपस्थित काँग्रेस नेते पृथ्वीराज चव्हाण यांच्यासोबतही उदयनराजेंची दिलखुलास चर्चा व हास्यविनोद पाहायला मिळाले.

Reporter name : Chaitralli Raajapurkar Location : Maval File.name : 0407ZT_MAVAL_SUNIL_SHELKE Total files : 02 Headline -मावळचे आमदार सुनील शेळके यांच्या हत्येचा कट उघड एसआयटी नेमणार असल्याची गृह राज्यमंत्री योगेश कदम यांची विधानसभेत घोषणा Anchor: पिंपरी-चिंचवडमध्ये एका भयानक कटाचा पर्दाफाश झाला असून मावळचे आमदार सुनील शेळके यांच्या संभाव्य हत्येचा कट रचल्याचे तपासात समोर आले आहे. यासंदर्भात आमदार शेळके यांनी महाराष्ट्र विधानसभेत लक्षवेधी सूचना मांडत गंभीर प्रश्न उपस्थित केले. त्यांच्या या सूचनेला उत्तर देताना गृह राज्यमंत्री योगेश कदम यांनी या प्रकरणाचा सखोल तपास करण्यासाठी विशेष तपास पथक (SIT) नेमण्याचा निर्णय सात दिवसांत घेण्याची माहिती दिली.. Vo- सात सराईत गुन्हेगार, नऊ पिस्तूल, ४२ जिवंत काडतुसे... २६ जुलै २०२३ रोजी पिंपरी-चिंचवड पोलीस आयुक्तालयाच्या दरोडाविरोधी पथकाने गुप्त माहितीनुसार तळेगाव दाभाडे परिसरात मोठी कारवाई केली होती. यामध्ये सुरुवातीला दोन गुन्हेगार पकडण्यात आले. त्यानंतर तपासाचा विस्तार करत एकूण सात सराईत गुन्हेगारांना अटक करण्यात आली, ज्यांच्याकडून नऊ पिस्तूल, ४२ जिवंत काडतुसे, कोयते अशा प्राणघातक शस्त्रास्त्रांचा साठा जप्त करण्यात आला. या गुन्हेगारांवर आधीच खून, खुनाचा प्रयत्न, जाळपोळ, खंडणी, बेकायदेशीर हत्यारे बाळगणे, लूट, तोडफोड असे अनेक गंभीर गुन्हे दाखल असल्याचे निष्पन्न झाले आहे. VO- आमदार सुनील शेळके यांची हत्या करण्याचाच उद्देश तपासादरम्यान एक धक्कादायक बाब समोर आली. या गुन्हेगारांकडून जप्त करण्यात आलेल्या शस्त्रांचा वापर आमदार सुनील शेळके यांची हत्या करण्यासाठीच होणार होता, असा खुलासा त्यांच्याकडून जबाबामध्ये झाला आहे. हे आरोपी मध्यप्रदेश, जालना, वडगाव, काळेवाडी परिसरातले असून आमदार शेळके यांचे कोणतेही वैयक्तिक वैर त्यांच्याशी नव्हते. त्यामुळे या गुन्हेगारांच्या पाठीमागे कोणी शक्तिशाली सूत्रधार असल्याचा संशय शेळके यांनी विधानसभेत व्यक्त केला. साऊंड बाईट : सुनील शेळके, आमदार ,मावळ (file no.01) *"कोण करतंय लाखो रुपयांची गुंतवणूक?" – आमदार शेळके यांचा सवाल* VO- शेळके यांनी असे नमूद केले की, ही टोळी गरीब आणि सामान्य कुटुंबातील असूनही त्यांच्याकडे नऊ पिस्तूल, कोयते खरेदी करण्यासाठी लाखोंचा खर्च झाला. एवढेच नव्हे तर, ज्या नामांकित वकिलांनी आरोपींची बाजू घेतली त्यांच्या फीही लाखोंच्या घरात होती. मग या सगळ्यांमागे "हे पैसे कोण पुरवतंय?", आणि "माझ्या हत्या कटामागचा सूत्रधार कोण?", असा थेट सवाल शेळके यांनी उपस्थित केला. *तडीपार असूनही जिल्ह्यात वावर* VO- गृह राज्यमंत्री योगेश कदम यांनी उत्तरात सांगितले की, पकडलेले गुन्हेगार दीड वर्ष तुरुंगात होते. नंतर बेल मिळाल्यावर त्यांना दोन वर्षांसाठी तडीपार करण्यात आले. मात्र, तडीपार असूनही हे गुन्हेगार पुणे जिल्ह्यात लपून येतात, असा आरोपही आमदार शेळके यांनी केला. *"सखोल तपास होणार, गरज पडल्यास एसआयटी" – योगेश कदम* या गंभीर प्रकरणाचे गांभीर्य लक्षात घेऊन योगेश कदम यांनी विधानसभेत उत्तर देताना SIT नेमण्याचा निर्णय पुढील सात दिवसांत घेण्यात येईल, अशी घोषणा केली. या सात गुन्हेगारांपैकी काहींना शस्त्र पुरवणारा "देवराज" नावाचा मध्यप्रदेशातील व्यक्ती असून त्याची माहितीही संबंधित राज्य सरकारला देण्यात आल्याचे त्यांनी सांगितले. या संपूर्ण प्रकरणात "कोण पैसे पुरवतं?", "मूळ सूत्रधार कोण?", याचा सखोल छडा लावण्याचे आश्वासन गृह राज्यमंत्री कदम यांनी दिले. ही घटना केवळ एका लोकप्रतिनिधीवर जीवघेणा हल्ला करण्याच्या कटापर्यंत मर्यादित न राहता, राज्यातील कायदा-सुव्यवस्थेच्या दृष्टीनेही चिंतेची बाब ठरत आहे. आता सर्वांचे लक्ष गृहविभागाच्या एसआयटी नेमणुकीकडे लागले आहे.. साऊंड बाईट : योगेश कदम, गृह राज्यमंत्री (file no.02)

वाशिम : File:0407ZT_WSM_RAIN_4JULY रिपोर्टर:गणेश मोहळे,वाशिम अँकर:वाशिम जिल्ह्यातील मालेगाव, रिसोड,मानोरा व मंगरूळपीर तालुक्यात सलग दुसऱ्या दिवशी जोरदार पावसाने हजेरी लावली आहे.या पावसामुळे खरीप हंगामातील पिकांना फटका बसू लागला असून, शेतकऱ्यांची चिंता दिवसेंदिवस वाढत आहे.गेल्या आठ दिवसांपासून काही भागांत सतत आणि जिल्ह्यातील काही भागांत जोरदार सरी कोसळत आहेत.पेरण्या पूर्ण होऊन पिके उगवून आली आहेत.मात्र,पावसामुळं पिकांच्या वाढीस अडथळा ठरत आहे.काही ठिकाणी पाणी साचल्यामुळे बी-बियाण्यांचे नुकसान होण्याची शक्यता असून,मूळव्यवस्था सडण्याचा धोका निर्माण झाला आहे.पावसामुळे शेती कामांनाही खंड पडला आहे.