अतिवृष्टि से सोयाबीन फसल तबाह, एकड़ से सिर्फ 2–4 क्विंटल उत्पादन

वाशिम जिल्ह्यात या वर्षी खरीप हंगामात अतिवृष्टी, पूर परिस्थिती आणि अनियमित पावसामुळे सोयाबीन पिकांचे मोठ्या प्रमाणात नुकसान झाले आहे. त्यामुळे शेतकऱ्यांना एका एकरातून केवळ २ ते ४ क्विंटल इतकेच उत्पादन मिळत असून त्यामुळे शेतकरी पूर्णतः हवालदिल झाले आहेत. बाजार समित्यांमध्ये नव्या सोयाबीनच्या दरातही मोठी घसरण झाली आहे. सध्या सोयाबीनला केवळ प्रति क्विंटल ३५०० ते ३८०० रुपये इतका भाव मिळत आहे. नाफेडची खरेदी अद्याप सुरू नसल्याने शेतकऱ्यांना आपला माल कमी दरात विकावा लागत आहे. अतिवृष्टी आणि भावघटीचा दुहेरी फटका बसल्याने शेतकऱ्यांची आर्थिक परिस्थिती अधिकच डळमळीत झाली असून, शासनाने तत्काळ मदत जाहीर करावी, अशी मागणी शेतकरी वर्गातून होत आहे.